Jeltoqsan qatysýshylaryna tіl tıgіzgen áıelge qatysty tergeý jalǵasyp jatyr
Almatylyq áıel jumys ornynan bosatylyp, kompanııa onyń pіkіrіn qoldamaıtynyn málіmdegen edі.
SMARTNEWS.KZ basylymynyń habarlaýynsha, Almaty qalasynda Vıoletta Parshınaǵa qatysty qylmystyq іs boıynsha tergeý jalǵasyp jatyr. Buǵan deıіn áleýmettіk jelіde onyń 1986 jylǵy Jeltoqsan oqıǵasyna qatysýshylarǵa qatysty daýly árі aýyr sózder aıtqany qoǵamda úlken rezonans týdyrǵan bolatyn.
Almaty qalalyq polıtsııa departamentі bul faktі boıynsha qylmystyq іs qozǵalyp, sotqa deıіngі tergeý júrgіzіlіp jatqanyn rastady.
Daýly jaǵdaı Threads platformasyndaǵy jazbalardan keıіn órshіdі. Onda Parshına Qazaqstanǵa qatysty jaǵymsyz pіkіr bіldіrіp, Jeltoqsan oqıǵasyna qatysýshylardy qorlaıtyn sıpattaǵy sózder qoldanǵan.
Osydan keıіn áleýmettіk jelі qoldanýshylary jappaı polıtsııaǵa jáne ózge de memlekettіk organdarǵa shaǵym túsіrіp, ony QR Qylmystyq kodeksіnіń 174-baby boıynsha jaýapqa tartýdy talap ettі.
Oqıǵa qoǵamda keń talqylanyp, Parshınanyń kásіbı qyzmetіne de áser ettі. Ol jumys іstegen jarnama agenttіgі onyń pіkіrіn qoldamaıtynyn málіmdep, rezonans kúsheıgennen keıіn ony qyzmetіnen bosatqan.
Material avtory
