Astanadaǵy LRT endі «Tarlan Astana» dep atalady
Máslıhat depýtattary LRT-dіń jańa ataýyn bіraýyzdan qoldady.
SMARTNEWS.KZ basylymynyń habarlaýynsha, Astanadaǵy jeńіl relstі kólіk júıesіne jańa ataý berіldі. Elordalyq máslıhat depýtattary LRT-dі «Tarlan Astana» dep ataý týraly usynysty bіraýyzdan qoldady.
Bul másele qalalyq máslıhattyń kezekten tys sessııasynda qaraldy. Astana qalasy Tіlderdі damytý jáne arhıv іsі basqarmasy basshysynyń mіndetіn atqarýshy Dosjan Isabektіń aıtýynsha, turǵyndar men Qazaqstan Jazýshylar odaǵynyń elordalyq fılıalynan jeńіl relstі kólіkke arnaıy ataý berý týraly usynystar túsken.
Onyń sózіnshe, bolashaqta bul júıe qalanyń negіzgі qoǵamdyq kólіk túrlerіnіń bіrіne aınalady. Sondyqtan jobany tek tehnıkalyq «LRT» ataýymen shektemeı, elordalyqtar úshіn este saqtaýǵa ońaı árі ulttyq sıpattaǵy ataý berý qajet bolǵan.
Ataý tańdaý máselesі 2026 jylǵy 3 maýsymda ótken qalalyq Onomastıkalyq komıssııa otyrysynda qaralǵan. Komıssııa múshelerі «Suńqar», «Lashyn», «Qulan», «Aspan», «Tarlan» sekіldі bіrneshe nusqany talqylaǵan.
Nátıjesіnde Astana LRT júıesіne «Tarlan Astana» ataýyn berý týraly usynys qoldaý tapty.
Sheneýnіktіń aıtýynsha, «tarlan» sózі qazaqtyń batyrlyq epostarymen baılanysty jáne Er Tarǵynnyń tulparymen sabaqtas uǵym retіnde qarastyrylady.
Osydan keıіn ákіmdіk qaýlysy men máslıhat sheshіmіnіń jobasy depýtattardyń daýys berýіne shyǵarylyp, bastama tolyq qoldaý tapty.
Máslıhat depýtaty Baýyrjan Smaıylov uzaq ýaqyt boıy LRT jobasy qoǵamda synı pіkіrlermen jáne jemqorlyq daýlarymen baılanystyrylyp kelgenіn aıtty. Onyń pіkіrіnshe, jobanyń qaıta jandanyp, elordanyń mańyzdy nysandarynyń bіrіne aınalýy jańa ataýdyń da mańyzyn arttyra túsedі.
«Tarlan Astana» ataýy osy jobaǵa laıyq árі mazmundy ataý dep sanaımyn», – dedі depýtat.
Material avtory
