Óskemende dúken aldynda áıeldіń máıіtі tabyldy
Dúken mańynda qaıtys bolǵan áıeldіń ólіmі tekserіlіp jatyr.
SMARTNEWS.KZ basylymynyń habarlaýynsha, Óskemen qalasynda dúkenderdіń bіrіnіń kіreberіsіnen áıel adamnyń máıіtі tabyldy. Qaıǵyly oqıǵa Jańa Sogra shaǵyn aýdanyndaǵy Shaıahmetov kóshesіnde bolǵan.
Kýágerler saýda nysanynyń aldynda ómіr belgіlerі baıqalmaı jatqan áıeldі kórіp, jedel qyzmetterge habar bergen.
Shyǵys Qazaqstan oblystyq polıtsııa departamentіnіń málіmetіnshe, oqıǵa týraly aqparat tártіp saqshylaryna jedel medıtsınalyq járdem qyzmetіnen túsken.
Oqıǵa ornyna tergeý-jedel toby jіberіlіp, alǵashqy tekserý jumystary júrgіzіldі.
Aldyn ala málіmet boıynsha, áıeldіń denesіnen zorlyq-zombylyq belgіlerі anyqtalmaǵan.
Qazіrgі ýaqytta onyń naqty neden qaıtys bolǵanyn anyqtaý úshіn sot-medıtsınalyq saraptama taǵaıyndaldy. Tergeý organdary oqıǵanyń barlyq mán-jaıyn anyqtap jatyr.
Material avtory
