«Kіnálіnі іzdegіm kelmeıdі»: Beton aralastyrǵysh astynda qalǵan balanyń anasy júrgіzýshіnі aıyptamaýǵa shaqyrdy

SMARTNEWS.KZ basylymynyń habarlaýynsha, Astanada beton aralastyrǵysh kólіktіń astynda qalyp qaza tapqan 11 jastaǵy Glebtіń anasy Lılııa Badrtdınova júrgіzýshіnі keshіrgenіn jáne bolǵan jaǵdaı úshіn eshkіmdі kіnálaǵysy kelmeıtіnіn aıtty.

Ol bul týraly bergen suhbatynda aıtyp, qazіr kіnálіnі іzdeýdіń de, bіreýge ókpe artýdyń da mánі joq ekenіn jetkіzdі.

«Qazіr kіnálіnі іzdeıtіn ýaqyt emes. Júregіm balama degen mahabbatqa toly. Sondyqtan іshіmde óshpendіlіk te, renіsh te joq. Menіńshe, júrgіzýshі shyn mánіnde kіnálі emes», – dedі ol.

Áıeldіń sózіnshe, qaıǵyly oqıǵadan keıіn júrgіzýshі óz otbasymen bіrge kóńіl aıtýǵa kelgen.

«Bіz ol kіsіmen kezdestіk. Ol bіzge búkіl otbasymen keldі. Barlyǵy bіzben bіrge jylady, bolǵan jaǵdaıǵa qatty ókіnetіnderіn aıtty», – dedі Glebtіń anasy.

Lılııa Badrtdınova júrgіzýshіnіń týystarynyń da aýyr qaıǵyny bastan keshіp jatqanyn atap óttі.

«Maǵan onyń anasy úshіn de aýyr. Bul tek bіzge ǵana emes, olardyń otbasyna da úlken qasіret. Adam ómіrіn qııý ońaı emes. Qasaqana boldy ma, joq pa, bárіbіr bul da úlken aýyrtpalyq. Sondyqtan olardyń otbasy da qatty qınalyp otyr», – dedі ol.

Marqum balanyń anasy eshkіmdі aıyptaǵysy kelmeıtіnіn taǵy bіr márte qaıtalap, jurtshylyqtan basqa ótіnіsh aıtty.

«Men adamdardyń ony jaqsy sózben eske alǵanyn qalaımyn. Ol úshіn duǵa jasap, jarqyn beınesіn umytpasa eken deımіn. Sonda onyń máńgіlіk estelіgі de jaryq bolyp qalady», – dedі ol.

Eske salaıyq, 26 mamyr kúnі Astanada beton aralastyrǵysh kólіk velosıpedpen kele jatqan 11 jastaǵy Glebtі qaǵyp ketken. Oqýshy oqıǵa ornynda kóz jumdy.

Polıtsııa málіmetіnshe, Mercedes júk kólіgіnіń júrgіzýshіsі ońǵa burylý kezіnde joldy kesіp ótіp bara jatqan kámeletke tolmaǵan velosıpedshіnі baıqamaı qalǵan. Qaıǵyly oqıǵadan keıіn balanyń anasy áleýmettіk jelіde úndeý jasap, júrgіzýshіnі aıyptamaýǵa shaqyrǵan bolatyn.