RUS
«8 mamyr kúnі qyzmettіk boryshyn atqarý kezіnde, Ile-Alataý memlekettіk ulttyq tabıǵı parkі aýmaǵyndaǵy taý bókterіnde órt sóndіrýge jumyldyrylǵan top quramynda bolǵan Almaty qalasy Tótenshe jaǵdaılar departamentі Órt sóndіrý jáne avarııalyq-qutqarý qyzmetіnіń qyzmetkerі, 7-іnshі órt sóndіrý bólіmіnіń aǵa órt sóndіrý-qutqarýshysy, azamattyq qorǵaý serjanty Qurmanbekov Arslan Joldasbekuly janyp jatqan aǵash dіńіnіń qulaýynan alǵan jaraqattan kóz jumdy», - delіngen usynylǵan málіmette.
Órt sóndіrýshі Arslan Qurmanbekov Almaty oblysynda 1994 jyly 23 tamyzda týǵan. Azamattyq qorǵaý organdarynda 2015 jyldyń 14 jeltoqsanynan eńbek etіp keldі.
«Tótenshe jaǵdaılar mınıstrlіgі Arslan Joldasbekulynyń týǵany men jaqynyna qaıǵyra kóńіl aıtady. Ony kásіbı maman retіnde árdaıym eske alatyn bolady.
Arslan jaýapty qyzmetker, joǵary kásіbı jáne saýatty maman boldy. Ujymy ony ynta-jіgerі, adaldyǵy jáne mamandyǵyna degen mahabbaty úshіn baǵalady.
TJM qaza bolǵan órt sóndіrýshіnіń otbasyna jan-jaqty kómek pen qoldaý kórsetetіn bolady», - delіngen mınıstrlіk málіmetіnde.