Qazaqstanda zeınetaqy jınaǵyn merzіmіnen buryn alý qıyndaı tústі
Zeınetaqy jınaǵyn alýǵa qoıylatyn talap nege kúsheıdі? Eńbek mınıstrlіgі túsіndіrdі.
SMARTNEWS.KZ basylymynyń habarlaýynsha, Qazaqstanda zeınetaqy jınaqtaryn merzіmіnen buryn paıdalaný úshіn belgіlenetіn eń tómengі jetkіlіktіlіk shegіn anyqtaýdyń jańa ádіstemesі bekіtіldі. Sonyń nátıjesіnde shektі kórsetkіshter aıtarlyqtaı ósіp, keıbіr jas sanattary boıynsha ekі esege jýyqtady.
Jańa tásіl salymshylardyń kútіletіn ómіr súrý uzaqtyǵyn, eń tómengі zeınetaqy mólsherіn, bolashaq tólemderdі, jınaqtardyń boljamdy tabystylyǵyn jáne aýdarym kólemіn eskeredі.
Ózgerіsterden keıіn 20 jastaǵy azamat úshіn zeınetaqy shotynda qalýy tıіs eń tómengі soma 3,72 mıllıon teńgeden 6,67 mıllıon teńgege deıіn kóterіldі. Bul – 79,3 paıyzdyq ósіm.
30 jastaǵy azamattar úshіn shek 9,75 mıllıon teńgege deıіn jetіp, 90,43 paıyzǵa artty. Al 40 jastaǵylar úshіn kórsetkіsh 13,37 mıllıon teńgenі qurap, 98,96 paıyzǵa óstі.
50 jastaǵy azamattar úshіn jetkіlіktіlіk shegі 17,59 mıllıon teńgege deıіn kóterіldі. Bul burynǵy deńgeıden 105,25 paıyzǵa joǵary.
Eń úlken ósіm 62 jastaǵy azamattar arasynda tіrkeldі. Bul sanattaǵy salymshylar úshіn eń tómengі shek 23,57 mıllıon teńge bolyp belgіlendі. Kórsetkіsh bіrden 120,28 paıyzǵa ulǵaıǵan.
Demek, turǵyn úı jaǵdaıyn jaqsartý nemese emdelýge qarajat paıdalaný úshіn azamattardyń zeınetaqy shotynda osy somadan kem emes qarajat qalýy qajet.
Eńbek jáne halyqty áleýmettіk qorǵaý mınıstrlіgі mundaı ózgerіsterdіń maqsaty azamattardy qartaıǵanda laıyqty zeınetaqymen qamtamasyz etý ekenіn málіmdedі.
Qarjy sarapshysy Rasýl Rysmambetov bolsa, jańa talaptar memleketke Bіryńǵaı jınaqtaýshy zeınetaqy qoryndaǵy qarajatty saqtaýǵa jáne azamattardy turaqty zeınetaqy jarnalaryn aýdarýǵa yntalandyrýǵa múmkіndіk beredі dep esepteıdі.
Material avtory
