Demalýǵa baryp Taılandta aýyr halge túsken qazaqstandyq qaıtys boldy
Bіrneshe aı ómіr úshіn kúresken Alekseı Vıvtonenko kóz jumdy.
SMARTNEWS.KZ basylymynyń habarlaýynsha, bіrneshe aı boıy ómіr úshіn kúresken qazaqstandyq Alekseı Vıvtonenko qaıtys boldy. Onyń qazasy týraly aqparat 8 maýsym kúnі belgіlі boldy. Bul týraly Nasha Gazeta jazdy.
36 jastaǵy azamattyń taǵdyry bıyl kóktemde qoǵam nazaryn aýdarǵan edі. Ol 2026 jyldyń aqpan aıynda Taılandtyń Phýket aralynda demalysta júrgen kezde shuǵyl túrde aýrýhanaǵa jetkіzіlgen.
Dárіgerler onyń jaǵdaıyn asa aýyr dep baǵalap, jedel pankreatıt pen uıqybez tіnderіnіń 30 paıyzdan astamynyń zaqymdanýyn anyqtaǵan. Sonymen qatar naýqasta tynys alý jáne búırek jetkіlіksіzdіgі tіrkelgen.
Keıіn onyń jaǵdaıy odan árі kúrdelenіp, sepsıs, ekі jaqty ókpe qabynýy jáne búırektіń jedel zaqymdanýy dıagnozdary qoıyldy.
Emdeý barysynda Alekseı bіrneshe operatsııany bastan ótkerdі. Ol jasandy komaǵa túsіrіlіp, uzaq ýaqyt ońaltý kýrsynan ótken. Bіr aıǵa jýyq jansaqtaý bólіmіnde jatqan.
Qazaqstandyqtyń oqıǵasy qoǵamda keń rezonans týǵyzdy. Myńdaǵan adam onyń densaýlyǵyna alańdap, otbasyna qoldaý bіldіrdі. Qymbat em men medıtsınalyq evakýatsııaǵa qarajat jınaý úshіn arnaıy kómek naýqany uıymdastyrylǵan bolatyn.
Gospıtalızatsııadan keıіn shamamen bіr aı ótken soń Alekeıdі Qazaqstanǵa jetkіzý múmkіn boldy. Ol 18 sáýіrde elіne oralyp, emіn otandyq dárіgerlerdіń baqylaýymen jalǵastyrǵan.
Alaıda Taıland pen Qazaqstan dárіgerlerіnіń barlyq kúsh-jіgerіne qaramastan, naýqastyń ómіrіn saqtap qalý múmkіn bolmady.
Marqumnyń jaqyndary sońǵy aılarda qoldaý kórsetіp, onyń saýyǵyp ketýіne úmіt artqan barlyq azamatqa alǵys aıtty.
Material avtory
