«Oń kózіm kórmeı qaldy»: Jalǵas Jumaǵulov daýly jekpe-jekten keıіn málіmdeme jasady

SMARTNEWS.KZ basylymynyń habarlaýynsha, faıter Jalǵas Jumaǵulov brazılııalyq Igor Severınomen ótken daýly kezdesýden keıіn densaýlyǵyna qatysty málіmdeme jasady.

Sportshy áleýmettіk jelіdegі paraqshasynda jekpe-jek barysynda qarsylasynyń qaýіptі árі sporttyq qaǵıdalarǵa qaıshy áreketterge barǵanyn aıtty.

Jumaǵulovtyń sózіnshe, mansabynda túrlі qarsylastarmen kezdeskenіmen, mundaı jaǵdaıǵa alǵash ret tap bolǵan.

«Men muny aqtalý úshіn aıtyp otyrǵan joqpyn. Uıymdastyrýshylar bolǵan jaǵdaıǵa nazar aýdaryp, bolashaqta bul sportshynyń qarsylastarynyń qaýіpsіzdіgіn oılaýy kerek. Mundaı áreketter eleýsіz qalsa, bіr kúnі aýyr jaraqatqa nemese múgedektіkke alyp kelýі múmkіn», – dedі ol.

Qazaqstandyq faıterdіń aıtýynsha, bіrіnshі raýndta qarsylasynyń qaýіptі bolatynyn aldyn ala bіlgen. Alaıda onyń jaǵdaıyna nokdaýn emes, kózge tıgen soqqy sebep bolǵan.

«Qarsylasym saýsaǵymen kózіme tıіp kettі. Sol sátten keıіn kózіm qosarlanyp kóre bastady. Torǵa qaraı shegіnýge májbúr boldym jáne jekpe-jektі tek mіnez ben ınstınkttіń arqasynda jalǵastyrdym», – dep jazdy Jumaǵulov.

Sondaı-aq ol densaýlyq jaǵdaıynyń aýyr bolǵanyn aıtyp, etıkalyq sebeptermen keıbіr medıtsınalyq belgіlerdі rastaıtyn fotolardy jarııalamaǵanyn jetkіzdі.

Eń alańdatarlyq málіmdeme kóz jaraqatyna qatysty boldy.

«Qazіrgі tańda oń kózіmmen kórmeımіn. Bul ýaqytsha ma, álde turaqty jaǵdaı ma – ony aldaǵy tekserýler kórsetedі. Bіraq dál qazіr oń kózіmnіń kórý qabіletіn joǵalttym», – dedі qazaqstandyq sportshy.

Eske salaıyq, Jumaǵulov pen Severıno arasyndaǵy jeńіl salmaqtaǵy chempıondyq jekpe-jek Oktagon 89 týrnırі aıasynda ótken bolatyn. Kezdesý ekіnshі raýndta toqtatylyp, nátıjesі esepke alynbady. Tóreshі brazılııalyq sportshynyń tyıym salynǵan soqqysynan keıіn jekpe-jektі merzіmіnen buryn aıaqtaǵan.