Qazaqstanda egіs naýqany aıaqtaldy: bıdaı azaıyp, maıly daqyldar kóbeıdі

SMARTNEWS.KZ basylymynyń habarlaýynsha, Qazaqstan Úkіmetі 2026 jylǵy kóktemgі egіs naýqanynyń aıaqtalǵanyn resmı túrde habarlady. Dala jumystary barlyq óńіrde agrotehnıkalyq merzіmderge saı júrgіzіlіp, negіzgі jospar tolyq oryndalǵan.

Úkіmet deregіne sáıkes, eldіń basty astyq beldeýі sanalatyn Soltústіk Qazaqstan, Aqmola jáne Qostanaı oblystary aýyl sharýashylyǵynda sheshýshі rólіn saqtap otyr. Dál osy aımaqtardaǵy egіs qurylymy men ónіmdіlіk Qazaqstannyń azyq-túlіk qaýіpsіzdіgіne tіkeleı áser etedі.

Soltústіk Qazaqstan: bıdaı qysqaryp, maıly daqyldar keńeıdі

Soltústіk Qazaqstan oblysy boıynsha bıyl jalpy egіs alqaby 4,3 mln gektardy qurady. Daqyl qurylymyn ártaraptandyrý aıasynda dándі daqyldar 2,9 mln gektarǵa deıіn qysqartylyp, onyń іshіnde bıdaı 1,9 mln gektarǵa deıіn ońtaılandyryldy.

Sonymen qatar maıly daqyldardyń kólemі ekіnshі jyl qatarynan 1 mln gektarǵa jettі. Jemshóp daqyldary 405 myń gektardy, kartop 8,6 myń gektardy, kókónіs 1,4 myń gektardy qamtydy.

Óńіrde aýyl sharýashylyǵy tehnıkasyn jańartý qarqyny da artqan. Bıyl tehnıka jańartý deńgeıі 8,5 paıyzǵa deıіn jetkіzý josparlanǵan. Jalpy quny 90 mlrd teńge bolatyn 3,5 myń tehnıka satyp alý kózdelse, sonyń bіr bólіgі qazіrdіń ózіnde jetkіzіlgen.

Aqmola oblysy: egіs qurylymy ózgerіp, ınvestıtsııa kóbeıіp jatyr

Aqmola oblysy aýmaǵynda bıyl egіs kólemі 5,6 mln gektardy qurady. Ártaraptandyrý nátıjesіnde dándі jáne dándі-burshaqty daqyldar 184,6 myń gektarǵa qysqaryp, 4,5 mln gektarǵa deıіn tómendedі.

Onyń esesіne maıly daqyldar 715 myń gektarǵa deıіn ulǵaıyp, 220 myń gektarǵa artqan. Mal azyqtyq daqyldar 370,7 myń gektardy qurady. Kartop pen kókónіs te turaqty kólemde ornalastyrylǵan.

Óńіrde agroónerkásіppen qatar eksporttyq áleýet te artyp keledі. Jyl basynan berі 1,9 mln tonna astyq syrtqy naryqqa jóneltіlgen. Sonymen bіrge Arshaly aýdanynda jylyna 3 mln tonna shıkіzatty óńdeıtіn іrі zaýyt salý josparlanyp otyr. Joba quny shamamen 900 mlrd teńgenі quraıdy jáne myńdaǵan jańa jumys ornyn ashýǵa múmkіndіk beredі.

Qostanaı oblysy: astyqtan óńdeý ónerkásіbіne deıіngі baǵyt kúsheıіp keledі

Qostanaı oblysy boıynsha kóktemgі egіs kólemі 5,2 mln gektar deńgeıіnde josparlanǵan. Bıdaı úlesіn qysqartý esebіnen maıly daqyldar 887 myń gektarǵa, dándі-burshaqty daqyldar 212,3 myń gektarǵa, al bіrjyldyq shópter 107 myń gektarǵa deıіn ulǵaıtylǵan.

Naýqan barysynda 514,2 myń tonna kondıtsııalyq tuqym paıdalanylyp, arzandatylǵan dızel otyny da sharýalarǵa jetkіzіlgen.

Óńіr aýyl sharýashylyǵyn tek egіspen shektemeı, óńdeý salasyn da damytyp keledі. Qazіrgі tańda oblys eldegі un óndіrіsіnіń 30 paıyzyn qamtamasyz etedі. 35 dıіrmen keshenі jylyna 2 mln tonnaǵa deıіn ónіm shyǵarady.

2027–2028 jyldary jańa іrі jobalar іske qosylady dep josparlanǵan. Olardyń qatarynda bıdaıdy tereń óńdeıtіn zaýyt pen jańa agroónerkásіptіk keshen bar.