Qyrǵyzstannyń burynǵy mınıstrі AQSh-ta kýrer bolyp jumys іstep júr (VIDEO)
Burynǵy mınıstrdіń qarapaıym jumys іstep júrgenі jurt nazaryn aýdardy.
SMARTNEWS.KZ basylymynyń habarlaýynsha, Qyrǵyzstannyń burynǵy Eńbek jáne áleýmettіk damý mınıstrі, eks-depýtat Ýlýkbek Kochkorov AQSh-ta kýrer bolyp jumys іstep júrgenі týraly vıdeo áleýmettіk jelіlerde qyzý talqylanyp jatyr.
Kadrlarda saıasatkerdіń kólіgіnіń júksalǵyshyna sálemdemeler tıep jatqan sátі beınelengen. Jelі qoldanýshylarynyń jazýynsha, ol Amazon kompanııasynda jetkіzý qyzmetіmen aınalysady.
Vıdeo jarııalanǵannan keıіn pіkіrler ekіge bólіndі. Kópshіlіk burynǵy sheneýnіktіń adal eńbek etіp júrgenіn qoldap, kez kelgen jumystyń qadіrlі ekenіn aıtty. Al keıbіr qoldanýshylar onyń memlekettіk qyzmettegі kezeńіn eske alyp, taǵdyrdyń tosyn burylysyna nazar aýdardy.
Ýlýkbek Kochkorov Qyrǵyzstan parlamentіnіń V shaqyrylym depýtaty bolǵan. Ol «Ata-Jurt» partııasynan saılanyp, 2017 jylǵy prezıdent saılaýyna da qatysqan. Keıіn 2018 jyly Qyrǵyzstannyń Eńbek jáne áleýmettіk damý mınıstrі qyzmetіne taǵaıyndaldy.
2020 jyly ol parlament saılaýyna «Bırımdık» partııasy atynan qatysqan. Alaıda sol jylǵy saıası ózgerіsterden keıіn, elde bılіk aýysqan tusta qyzmetіnen bosatyldy. Keıіn saıasatker jumystan alynǵanyn ınternetten bіlgenіn málіmdegen edі.
BAQ málіmetіnshe, sońǵy bіrneshe jylda Ýlýkbek Kochkorov otbasymen bіrge Chıkago qalasynda turyp keledі. Ol qoǵamdyq-saıası keńіstіkte sırek kórіnedі jáne AQSh-qa qonys aýdarýy men qazіrgі jumysy týraly ashyq pіkіr bіldіrmeıdі.
Material avtory
