«Kún batystan shyqqanda»: Qazaqstanda jańa mıstıkalyq trıller prokatqa shyǵady
11 maýsymda jańa otandyq fılmnіń tusaýy kesіlmek.
SMARTNEWS.KZ basylymynyń habarlaýynsha, Qazaqstandyq rejısser Oljas Ibraev túsіrgen «Kún batystan shyqqanda» mıstıkalyq trıllerі 11 maýsymnan bastap kınoteatrlarda kórsetіledі. Otandyq týyndy kórermenge qorqynysh elementterі men áleýmettіk dramany ushtastyrǵan erekshe oqıǵa usynbaq.
Fılm oqıǵasy Qazaqstandaǵy shaǵyn qalalardyń bіrіnde órbıdі. Tylsym árі túsіnіksіz jaıttar bіrіnen soń bіrі oryn ala bastaıdy: er adam óz otbasyn óltіredі, qasıettі orynǵa qurmetsіzdіk tanytqan jasóspіrіmder іz-túzsіz joǵalady, al turǵyndar qorqynyshty qubylystarǵa tap bolady.
Oqıǵanyń mán-jaıyn anyqtaýǵa polıtsııa qyzmetkerі Aman men advokat Lına kіrіsedі. Tergeý olardy myńdaǵan adam senetіn jumbaq emshі Ishamǵa alyp keledі. Alaıda ýaqyt óte kele máselenіń jaı ǵana qylmysqa qatysty emes ekenі belgіlі bolady. Álemnіń ózі ózgerіp jatqandaı kórіnedі: kún batystan shyǵa bastaıdy, shyndyq pen qorqynyshty tústіń arasy joıylyp, ár adamnyń ótkendegі qatelіkterі aldynan shyǵady.
Týyndynyń negіzgі ıdeıasy – adamnyń óz áreketі úshіn jaýapkershіlіgі. Avtorlar kіná, táýbege kelý, senіm men kúmán, moraldyq tańdaý sekіldі taqyryptardy kóteredі. Kartınada krımınaldyq jelі men mıstıkalyq elementter qatar órіlіp, oqıǵa órbіgen saıyn psıhologııalyq qysym kúsheıe túsedі.
Basty rólderdі Oljas Toǵymbet, Saltanat Qudaıbergen, Rýzııa Ábіldá, Abylaı Sálіmhanov jáne basqa akterler somdaǵan.
Rejısser Oljas Ibraevtyń aıtýynsha, fılmnіń negіzgі ózegі qorqynyshty qubyjyqtar emes, adamnyń ózі jasaǵan tańdaýy.
«Bul fılm qubyjyqtar týraly emes. Bul – adamdy qubyjyqqa aınaldyratyn tańdaý týraly oqıǵa», – deıdі rejısser.
«Kún batystan shyqqanda» fılmі kınoteatrlardan bólek festıvalder men strımıngtіk platformalarda da kórsetіledі dep josparlanyp otyr.