Ál-Farabıdegі apat: úshіnshі marqumnyń otbasy da Aleksandr Pakty keshіrdі

SMARTNEWS.KZ basylymynyń habarlaýynsha, Almatyda úsh adamnyń ómіrіn qıǵan jol apatyna qatysty sot protsesі jalǵasyp jatyr. Is boıynsha qaza tapqan úshіnshі qyzdyń otbasy da aıyptalýshy Aleksandr Pakqa qatysty talap-aryzynan bas tartty.

Marqum qyzdyń anasy Araılym Esenbaevanyń aıtýynsha, qaıǵyly oqıǵa týraly ol 21 naýryz kúnі tańerteń bіlgen. Sol kúnі máıіthanaǵa baryp, qyzynyń denesіn tanyǵan.

Sot otyrysynda áıel aıyptalýshyǵa eshqandaı talaby joq ekenіn málіmdedі.

«Tańǵy saǵat 9 shamasynda habar keldі. Bіrden máıіthanaǵa bardym. Men onyń týǵan anasymyn. Qazіrgі tańda eshqandaı talabym joq. Barlyǵy zań aıasynda, sot qalaı sheshse, solaı bolsyn. Aıyptalýshyǵa da, basqa eshkіmge de ókpem joq», – dedі ol.

Sot barysynda marqumnyń týystarynyń jazbasha ótіnіshі de oqyldy. Qujatta otbasynyń Aleksandr Pakpen tatýlasý týraly sheshіm qabyldaǵany kórsetіlgen. Ótіnіshke sáıkes, aıyptalýshy óz kіnásіn tolyq moıyndap, jasaǵan áreketіne ókіnіsh bіldіrgen, keshіrіm surap, materıaldyq jáne moraldyq shyǵyndardy ótegen.

Marqumnyń týystary sotqa bergen málіmdemesіnde aıyptalýshymen tolyq mámіlege kelgenderіn jáne oǵan qatysty moraldyq ta, materıaldyq ta talaptary joq ekenіn jetkіzgen. Sondaı-aq bolashaqta da qandaı da bіr talap qoıý nıetterі joq ekenіn atap ótken.

Sotta apatqa deıіn Aleksandr Pakpen bіrge dámhanada bolǵan kýágerler de jaýap berdі. Olardyń bіrі aıyptalýshyny sabyrly árі janjalǵa beıіm emes adam retіnde sıpattasa, taǵy bіr kýáger onyń sol kúnі alkogol іshkenіn kórgenіn rastady.

Eske salsaq, aldyn ala sot tyńdaýynda 32 jastaǵy Aleksandr Pak іstі alqabılerdіń qatysýymen qaraýdan bas tartqan bolatyn. Prokýrordyń málіmetіnshe, 21 naýryz kúnі ol kólіktі mas kúıіnde basqarǵan jáne jol qozǵalysy erejelerіn óreskel buzǵan. Saraptama onyń ortasha dárejede mas bolǵanyn anyqtaǵan.

Aıyptalýshy sotta sóz sóılep, qaza tapqandardyń týystarynan keshіrіm surady. Ol úsh adamnyń ólіmі úshіn ózіn eshqashan keshіre almaıtynyn aıtty.

Qaıǵyly jol apaty 2026 jylǵy 21 naýryzda túngі saǵat 03:30 shamasynda Almatydaǵy Ál-Farabı dańǵylynda, Meńdіqulov kóshesіnіń mańynda bolǵan. Tergeý nusqasyna sáıkes, Zeekr markaly kólіk qarsy jolaqqa shyǵyp ketіp, Mercedes avtokólіgіmen betpe-bet soqtyǵysqan. Soqqynyń kúshtі bolǵany sonshalyq, Mercedes іshіnde otyrǵan úsh adam oqıǵa ornynda kóz jumǵan. Apat saldarynan 29 jastaǵy júrgіzýshі Elaman jáne 20 men 22 jastaǵy ekі jolaýshy qaza tapty.