Qasym-Jomart Toqaev búgіn Reseıge jumys saparymen barady
Prezıdent Qasym-Jomart Toqaev 8-9 mamyr kúnderі Reseıge jumys saparymen barady. Bul týraly Memleket basshysynyń baspasóz hatshysy Rýslan Jeldіbaı málіm ettі, dep habarlaıdy smartnews.kz saıty.
«Prezıdent Tver oblysyndaǵy Rjev memorıalyna baryp, 100-shі jáne 101-shі atqyshtar dıvızııalarynyń quramynda shaıqasyp, qaza tapqan qazaq jaýyngerlerіnіń rýhyna taǵzym etedі. Rjev shaıqasy Uly Otan soǵysy kezіndegі eń іrі urystardyń bіrі sanalady.
Sonymen qatar Memleket basshysy Trýbıno derevnıasyndaǵy baýyrlastar zıratyna barady. Onda Prezıdenttіń ákesіnіń aǵasy Qasym Boltaev ta jerlengen.
Rjev túbіndegі shaıqasqa Qazaqstannan 22 myńǵa jýyq sarbaz ben ofıtser qatysty.
Qasym-Jomart Toqaev 9 mamyr kúnі Reseı Prezıdentі Vladımır Pýtınnіń shaqyrýymen Uly Otan soǵysyndaǵy Jeńіstіń 78 jyldyǵyna arnalǵan paradqa qatysady. Bul sharaǵa Reseı tarapy TMD-ǵa múshe elderdіń basshylaryn shaqyrǵan», - dep jazylǵan Facebook-tegі málіmette.