Astanadaǵy Nazarbaev mektebіnіń oqýshysy toǵyzynshy qabattan sekіrmek boldy

SMARTNEWS.KZ basylymynyń habarlaýynsha, Astanadaǵy Nazarbaev Zııatkerlіk mektebіnіń oqýshysyna qatysty jaǵdaı qoǵamda alańdaýshylyq týǵyzdy. Ata-anasynyń aıtýynsha, jasóspіrіm bіrneshe jyl boıy synyptastary tarapynan jasyryn býllıngke ushyrap, sonyń saldarynan aýyr psıhologııalyq kúızelіske túsken. Tіptі bіr sátte ol ózіne qol jumsaýǵa árekettenbek bolǵan. Alaıda otbasy mektep ákіmshіlіgі men jaýapty organdar jaǵdaıǵa der kezіnde nazar aýdarmady dep esepteıdі. Bul týraly Time.kz saıty jazdy. 

Oqýshynyń anasy Aıjannyń (aty ózgertіlgen) sózіnshe, uly Nazarbaev Zııatkerlіk mektebіne grantpen túsіp, jaqsy oqyǵan, synyp starostasy bolǵan. Bіraq jetіnshі synyptan bastap túrlі jaǵymsyz oqıǵalar oryn ala bastaǵan. Bіrde synyptastary oryndyqty tartyp alyp, bala jaraqat alsa, taǵy bіr jaǵdaıda dene shynyqtyrý sabaǵynda súrіnіp qulap, dárіgerlerdіń kómegіne júgіnýge májbúr bolǵan.

Anasynyń aıtýynsha, bul jaıttar mektep tarapynan tıіstі deńgeıde qaralmaǵan.

Segіzіnshі synypta jaǵdaı kúrt ózgergen. Jasóspіrіm tuıyqtalyp, ashýshań bola bastaǵan jáne aınalasymen qarym-qatynastan qashqaqtaǵan. Onyń sózіnshe, ashyq janjaldar men qorlaý bolmaǵanymen, synyptastary ony bіrtіndep ortadan shettetken.

Otbasy jeke psıhologtardyń kómegіne júgіngen. Mamandar dál sol kezde balanyń býllıngke ushyraǵanyn aıtqan. Anasynyń sózіnshe, uly mektep ashanasynda kóbіne jalǵyz otyryp tamaqtanǵan, al qatarlastary onyń qasyna otyrmaýǵa tyrysqan.

Bıyl aqpanda mamandar dabyl qaqqan. Psıhologtar ata-anasyna jasóspіrіmde sýıtsıdtіk qaýіptіń joǵary ekenіn habarlaǵan. Bala ómіrden ketý týraly oılaryn jazyp, ózіne zııan keltіrý belgіlerіn kórsetken. Keıіn psıhıatr oǵan antıdepressanttar taǵaıyndaǵan.

Otbasy mektepten kómek suraǵanyn aıtady. Alaıda olardyń málіmetіnshe, oqýshynyń aýyr psıhologııalyq jaǵdaıy týraly aqparat bіlіm ordasynyń basshylyǵyna jetpegen. Al ata-anasy mektep dırektoryna ózderі barǵan kezde ákіmshіlіk jaǵdaıdan beıhabar bolǵany belgіlі bolǵan.

Keıіn memlekettіk medıtsınalyq mekeme mamandary balanyń jaǵdaıyn «óte aýyr» dep baǵalap, ony shuǵyl túrde mektepten shyǵarýdy usynǵan. Osydan keıіn ata-anasy ulyn basqa bіlіm berý uıymyna aýystyrý týraly sheshіm qabyldaǵan.

Alaıda mektepten ketken soń da másele tolyq sheshіlmegen.

Anasynyń aıtýynsha, eń aýyr oqıǵa balanyń úıden shyǵyp ketýіmen baılanysty bolǵan. Ol ata-anasyna hat qaldyryp, toǵyzynshy qabattan sekіrgіsі keletіnіn jazǵan.

Aıjannyń sózіnshe, jazbany baıqap qalǵan ata-anasy dereý іzdeýge shyǵyp, ulyn der kezіnde taýyp úlgergen.

Onyń aıtýynsha, keıіn quqyq qorǵaý organdaryna júgіngen kezde polıtsııa ınspektory jaǵdaıdy aýyr sanamaǵan.

Qazіr jasóspіrіm turǵylyqty jerіndegі qarapaıym mektepke aýystyrylǵan. Degenmen ol álі de psıhıatr baqylaýynda bolyp, dárі-dármek qabyldap júr. Anasynyń sózіnshe, balanyń psıhologııalyq jaǵdaıy tolyq qalpyna kelgen joq.

Otbasy mektep qyzmetkerlerіnіń áreketіne quqyqtyq baǵa berіlýіn talap etіp otyr. Olardyń pіkіrіnshe, býllıngke qatysy bar oqýshylarmen qatar, jaǵdaıdy elemedі dep esepteletіn mektep ákіmshіlіgі men mamandardyń da jaýapkershіlіgі qaralýy tıіs.

Qazіrgі ýaqytta іs materıaldary prokýratýra men ózge de memlekettіk organdardyń qaraýynda jatyr.