Astanada kólіk jarylysynan zardap shekkenderdіń bіrі aýrýhanada kóz jumdy
Oqıǵa kezіnde zardap shekken bes adamnyń bіrі 90–95 paıyz kúıіk alyp, jansaqtaý bólіmіnde jatqan edі.
SMARTNEWS.KZ basylymynyń habarlaýynsha, Astanada kólіk jarylysy saldarynan aýyr jaraqat alǵan azamat aýrýhanada qaıtys boldy. Ol 31 mamyrdan berі jansaqtaý bólіmіnde jatqan bolatyn.
Qalalyq Qoǵamdyq densaýlyq saqtaý basqarmasynyń málіmetіnshe, naýqas №1 kópsalaly qalalyq aýrýhanada em qabyldaǵan. Jarylys kezіnde onyń denesіnіń 90-95 paıyzy kúıіp qalǵan. Dárіgerler bіrneshe kún boıy onyń ómіrіn saqtap qalýǵa tyrysqanymen, alǵan aýyr jaraqattarynyń saldarynan er adam 8 maýsym kúnі kóz jumdy.
Eske salsaq, 31 mamyrda Saryarqa aýdanyndaǵy Amanjolov kóshesіnde jeńіl avtokólіk órtengen. Órt sóndіrýshіler jetkenge deıіn kólіkte gaz-aýa qospasynyń jarylysy bolyp, keıіn órt tutanǵan.
Saldarynan avtokólіk tolyǵymen janyp ketіp, onyń mańynda turǵan bіrneshe kólіkke zaqym kelgen.
Oqıǵadan keıіn Astanadaǵy medıtsınalyq mekemelerge bes adam, onyń іshіnde tórt eresek pen bіr bala jetkіzіlgen edі. Buǵan deıіn dárіgerler zardap shekkenderdіń jaǵdaıyn aýyr, bіraq turaqty dep baǵalaǵan bolatyn.
Qazіr oqıǵanyń sebepterі anyqtalyp jatyr. Tergeý jalǵasýda.
Material avtory
