Aqtóbelіk múgedek er adamdy qyzynyń kózіnshe uryp qulatqan
Soqqydan soń er adam jansaqtaýǵa tústі.
SMARTNEWS.KZ basylymynyń habarlaýynsha, Aqtóbede avtoturaqqa baılanysty týǵan janjal aýyr zardappen aıaqtaldy. Oqıǵa 8 maýsym kúnі keshkі saǵat 19:00 shamasynda 12-yqshamaýdandaǵy №30 úıdіń mańynda bolǵan.
KTK telearnasynyń málіmetіnshe, ekі júrgіzýshі arasynda týyndaǵan kıkіljіń kezіnde olardyń bіrі qarsylasyna soqqy jasaǵan. Saldarynan er adam jerge qulap, basynan aýyr jaraqat alǵan. Aldyn ala málіmet boıynsha, kúdіktіnіń sport salasyna qatysy bolýy múmkіn.
Aqtóbe oblystyq polıtsııa departamentі atalǵan derek boıynsha sotqa deıіngі tergep-tekserý bastalǵanyn habarlady.
«36 jastaǵy kúdіktі ustalyp, ýaqytsha ustaý ızolıatoryna qamaldy. Qajettі tergeý áreketterі júrgіzіlіp jatyr. Oqıǵanyń barlyq mán-jaıy anyqtalýda», – dep málіmdedі polıtsııa.
Zardap shekken azamattyń ápkesі áleýmettіk jelіde onyń qazіr jansaqtaý bólіmіnde aýyr jaǵdaıda jatqanyn jazdy.
Týysynyń aıtýynsha, janjal er adamnyń aýladan shyǵý úshіn belgі berýіnen bastalǵan. Sebebі basqa júrgіzýshі kólіgіmen joldy jaýyp turǵan.
Ápkesіnіń sózіnshe, budan keıіn ekіnshі júrgіzýshі dórekі sóılep, ony áńgіmelesýge shaqyrǵan. Sondaı-aq zardap shekken azamattyń III toptaǵy múgedek ekenі jáne kúdіktіden 10 jas úlken ekenі aıtyldy.
Týystarynyń málіmetіnshe, oqıǵa er adamnyń qyzynyń kóz aldynda bolǵan.
«Soqqy aıaq astynan jasaldy. Aǵam qorǵaný úshіn qolyn tek soqqydan keıіn ǵana kóterdі», – dep jazdy ol.
Oqıǵa áleýmettіk jelіlerde keńіnen talqylanyp jatyr. Kópshіlіk qarapaıym turmystyq daýdyń osyndaı aýyr saldarǵa ákelgenіne alańdaýshylyq bіldіrіp, mundaı áreketter úshіn jaýapkershіlіktі kúsheıtý qajet ekenіn aıtýda.
Qatysýshylardyń іs-áreketіne quqyqtyq baǵany tergeý qorytyndysy boıynsha quqyq qorǵaý organdary beredі.
Material avtory
