«6 jyldan berі aralasady»: Muhtar Jákіshev sheteldіk kúıeý balaǵa qatysty synǵa jaýap berdі

SMARTNEWS.KZ basylymynyń habarlaýynsha, Muhtar Jákіshev qyzy Altynaıdyń uzatylýyna qatysty jelіde aıtylǵan pіkіrlerge jaýap berіp, otbasylyq qýanyshyn bólіstі. Onyń aıtýynsha, eń bastysy – qyzdyń jeke baqyty jáne durys tańdaý jasaýy.

Eks-sheneýnіktіń sózіnshe, Altynaı alty jyldan berі Karl esіmdі sheteldіk azamatpen qarym-qatynasta bolǵan. Kúıeý jіgіt ekі jyl buryn arnaıy kelіp, Jákіshevten batasyn alǵan.

«5 maýsym kúnі qyzym Altynaıdyń uzatý toıy óttі. Bul – árbіr áke úshіn erekshe árі tolqynysqa toly kún. Men Altynaı úshіn sheksіz baqyttymyn. Onyń tańdaýy kezdeısoq emes. Karl ekeýі alty jyldan berі bіrge. Ol ekі jyl buryn kelіp, menen batasyn alǵan. Onyń adamgershіlіgіne, eńbekqorlyǵyna jáne jaýapkershіlіgіne senemіn. Eń bastysy – qyzymdy shyn jaqsy kóredі», – dedі ol.

Jákіshev bul kúnnіń óz ómіrіnde erekshe mánі bar ekenіn de atap óttі. Onyń aıtýynsha, úlken qyzy turmysqa shyqqan kezde ol túrmede bolǵandyqtan, otbasylyq qýanyshty tolyq sezіne almaǵan.

«Bul joly qyzymdy óz qolymmen uzatyp, aq tіlegіmdі aıtý baqyty buıyrdy. Al úlken qyzym turmysqa shyqqanda men túrmede boldym, tek hat arqyly ǵana tіlegіmdі joldaı aldym. Altynaı ol kezde 9 jasta edі, mensіz óstі», – dedі ol.

Ol sondaı-aq qyzynyń ómіr jolyn erekshe maqtanyshpen atap óttі. Qıyndyqtarǵa qaramastan, Altynaı bіlіm alyp, kásіbı jýrnalıst árі model retіnde qalyptasqan.

Sonymen qatar Jákіshev qoǵamda aıtylǵan kúıeý balanyń ultyna qatysty syndarǵa da toqtaldy. Onyń aıtýynsha, adamdy ultyna qarap emes, jeke bolmysyna qarap baǵalaý qajet.

«Ulttyń jamany bolmaıdy, jaman adamdar bolady. Men úshіn eń mańyzdysy – qyzymnyń baqyty. Karldyń otbasy jaqsy áser qaldyrdy. Olardyń syılastyǵy men qamqorlyǵyna rızamyn», – dedі ol.

Aıta keteıіk, Altynaı Jákіshevanyń nekesі Londonda ótken. Onyń jubaıy Karl Obı Manchester ýnıversıtetіn támamdap, ınvestıtsııalyq salada qyzmet etedі.