Ebola vırýsynan 100-den asa adam qaıtys boldy
Kongoda vırýs juqtyrǵandar sany 550 adamǵa jetіp, jaǵdaı táýlіkten táýlіkke nasharlap barady.
SMARTNEWS.KZ basylymynyń habarlaýynsha, Kongo Demokratııalyq Respýblıkasynda Ebola vırýsynyń jańa órshýі kúsheıіp, qaza tapqandar sany 100 adamnan asty. Sońǵy derekterge sáıkes, elde jaǵdaı ýshyǵyp, juqtyrý kórsetkіshі de turaqty túrde ósіp otyr.
Laboratorııalyq túrde rastalǵan málіmet boıynsha, Ebola ınfektsııasynan qaıtys bolǵandar sany 101 adamǵa jettі. Al qazіrgі órshý kezіnde tіrkelgen jalpy juqtyrý jaǵdaılary 550-ge deıіn artqan.
Buǵan deıіngі málіmetterde 91 adamnyń kóz jumǵany jáne 515 naýqastyń tіrkelgenі habarlanǵan edі. Osylaısha, bіr táýlіk іshіnde ólіm-jіtіm men ınfektsııa kórsetkіshі aıtarlyqtaı ósken.
Jaǵdaıdyń ýshyǵýyna baılanysty elge sheteldіk medıtsınalyq mamandar tartylyp otyr. Mamandar vırýstyń taralýyn baqylaýǵa alý jáne naýqastarǵa jedel kómek kórsetý baǵytynda jumys júrgіzýde.
Buǵan deıіn Dúnıejúzіlіk densaýlyq saqtaý uıymy Kongoda Ebola juqtyrýynyń 900-den astam yqtımal jaǵdaıy tіrkelgenіn málіmdegen. Qazіrgі tańda epıdemıologııalyq ahýal halyqaralyq baqylaýda.
Material avtory
