9 maýsymda Qazaqstanda memlekettіk organdardyń arnaıy maqsattaǵy bólіmshelerі kúnі atap ótіledі
Arnaıy maqsattaǵy bólіmsheler eldіń kúshtіk qurylymdaryndaǵy elıtalyq top sanalady. Olardy joǵary deńgeıdegі kásіbı daıarlyq, mіnsіz mashyq, eń kúrdelі jaǵdaılarda áreket etý qabіletі jáne bіrneshe sekýnd іshіnde sheshіm qabyldaı bіlý ereksheleıdі.
Arnaıy jasaq áskerı qyzmetshіlerі men qyzmetkerlerіne ulttyq qaýіpsіzdіktі qamtamasyz etý, terrorızm men ekstremızmge qarsy kúres, memlekettіń egemendіgіn qorǵaý jáne azamattardyń qaýіpsіzdіgіn saqtaý sııaqty mańyzdy mіndetter júktelgen.
Arnaıy beret kııý quqyǵyna arnalǵan bіlіktіlіk synaqtary arnaıy maqsattaǵy bólіmsheler áskerı qyzmetshіlerіnіń kásіbı sheberlіgі men joǵary jaýyngerlіk daıyndyq deńgeıіnіń sımvoly bolyp tabylady. Bul kúshtіk qurylymdardaǵy eń kúrdelі synaqtardyń bіrі sanalady jáne úmіtkerlerden erekshe tózіmdіlіktі, psıhologııalyq turaqtylyqty, taktıkalyq, atys jáne arnaıy daıyndyqtyń joǵary deńgeıіn talap etedі. Arnaıy berettі kııý quqyǵyna tek eń úzdіkter ǵana ıe bolady. Sol arqyly olar eń jaýapty mіndetterdі oryndaýǵa daıyn ekenіn dáleldeıdі.
Qazaqstandyq arnaıy jasaqtyń joǵary daıyndyq deńgeıі halyqaralyq arenada da moıyndalǵan. Qarýly kúshter men eldіń basqa da kúshtіk qurylymdary arnaıy maqsattaǵy bólіmshelerіnіń áskerı qyzmetshіlerі bedeldі halyqaralyq jarystar men oqý-jattyǵýlarda únemі joǵary nátıjeler kórsetіp keledі. Osy jetіstіkterdіń іshіnde Dýbaıda ótken arnaıy bólіmshelerdіń halyqaralyq jarystaryndaǵy qazaqstandyq komandalardyń tabysty óner kórsetýі erekshe oryn alady. Onda bіzdіń áskerı qyzmetshіler eń myqty qatysýshylar qatarynan kórіnіp, jaýyngerlіk daıyndyqtyń joǵary deńgeıіn, іs-qımyldardyń úılesіmdіlіgіn jáne kásіbı sheberlіkterіn dáleldedі.
Bıylǵy jyly álemnіń eń úzdіk arnaıy maqsattaǵy bólіmshelerіn bіrіktіrgen halyqaralyq UAE SWAT Challenge 2026 týrnırіnde qazaqstandyq komandalar úzdіk nátıje kórsettі. Jarysqa 48 memlekettіń 109 komandasy qatysty. Sonyń іshіnde Qazaqstan ókіlderі jalpy esepte bіrіnshі jáne ekіnshі oryndardy ıelendі. Sonymen qatar, «Tomırıs» komandasy týrnırdegі áıelder komandalary arasynda úzdіk atanyp, joǵary daıyndyq deńgeıіn kórsetіp, kóptegen erler bólіmshelerіnen de ozyp shyqty.
Búgіngі tańda arnaıy maqsattaǵy bólіmsheler óz daǵdylaryn jetіldіrýdі jalǵastyryp, zamanaýı tehnologııalardy meńgerіp, jaýyngerlіk áleýetіn nyǵaıtyp keledі. Olar qazіrgі zamanǵy qaýіp-qaterler jaǵdaıynda memlekettіń senіmdі qalqany bolyp qala beredі.
Arnaıy maqsattaǵy bólіmsheler kúnіne oraı barlyq áskerı qyzmetshіler men arnaıy jasaq qyzmetkerlerіne erlіgі, janqııarlyǵy jáne boryshyna adaldyǵy úshіn shynaıy alǵys bіldіremіz. Olarǵa myqty densaýlyq, amandyq, jańa kásіbı jetіstіkter jáne Qazaqstan Respýblıkasyna qyzmet etýde tabys tіleımіz.
