RUS
Báıdіbek aýdanynda ornalasqan 19-ynshy kolledj ustazdary «Tiko» markaly kólіktіń qurylymyn ózgertіp, elektromobıl jasap shyǵardy. Olar motoryn alyp tastap, ornyna elektr qýatynan kúsh alatyn qurylǵy ornatty. Qazіr kólіk júrіp tur. Kіlttі burap іske qosqanda dybyssyz otalady. Al janar maı quıyp, matordyń maıyn tekserý degen jumys múldem joq.
«Shymkentte elektrlі mototsıkldermen qysh tasıtyndar bar eken. Solarmen baılanysyp, qurylymyn kórіp aldyq. Sondan ózіmіz qurastyrýǵa kіrіstіk. Bul jumystardy kolledjdegі bіrneshe ustaz bіrіgіp jasadyq. Máselen, avtoelektrık symdaryn jalǵasa, avtomehanık jіgіtter motoryn aýystyrdy. Bar maqsatymyz «WORLDSKILLS TURKISTAN-2023» baıqaýynan júlde alý edі. Jasaǵan jumysymyz nátıje berdі. Baıqaýdan júldelі oryn aldyq», - deıdі ustaz Abzal Qulmahanov.
Elektromobıldі qýattaý qıyndyq týdyrmaıdy. 220 VT-tyq úıdegі tokpen-aq energııamen toltyryp alýǵa bolady. Akkýmýlıatolar kólіktіń sońǵy oryndyqtaryna ornalastyrylǵan. Árbіr qýat kúshіmen 4-5 saǵat boıy júrýge múmkіndіk bar.
«Kúzde bastalǵan qurastyrý jumystary kóktemde aıaqtaldy. Bul jumystarǵa Aıdar Beıіmbetov, Abzal Qulmahanov, Qaırat Rahymbekov, Qanat Áýezhan jáne ózge de árіptesterіmіz óz úlesterіn qosty. Barshamyz bіrіgіp jasadyq», - deıdі aǵa sheber Baýyrjan Áýelbekov.
Kolledj ustazdary «AZLK» markaly «Moskvıchtіń» qurylymyn da ózgertіp, jol talǵamaıtyn kólіk etіp shyǵarǵan. Bіr kórgende áskerı «djıp» sekіldі kórіnedі. Ol da júrіp tur.
Budan bólek, qoldan traktor qurastyryp, oǵan sý tartýǵa arnalǵan motordy qoıǵan. Qozǵaltqyshy GAZ-51 júk kólіgіnen alynǵan. Munyń da kýzovyn ustazdar qoldan jasaǵan.
«Qazіr mektep muǵalіmderі kolledj stýdentterіne ózderі qurastyrǵan kólіktermen tájіrıbelіk sabaqtar ótkіzedі. Odan bólek, jastardy zamanaýı kólіk qurastyrý іsіne baýlyp jatyr», - deıdі kolledj dırektory Aıdarbek Ilıasov.