Mınıstrlіkpen bolǵan daýdan soń Mıhaıl Shaıdorov AQSh-qa kettі
Sportshy áleýmettіk jelіde AQSh-tan sýret jarııalap, aldaǵy aıdyń qarbalas bolatynyn aıtty.
SMARTNEWS.KZ basylymynyń habarlaýynsha, mánerlep syrǵanaýshy, Olımpıada chempıony Mıhaıl Shaıdorov AQSh-qa baryp, jańa olımpıadalyq tsıklge daıyndyqty bastady.
Sportshy Instagram paraqshasynda Kalıfornııa shtatyndaǵy іrі muz arenalarynyń bіrі sanalatyn Great Park Ice keshenіnіń aldynda túsken sýretіn jarııalady.
«Qarbalasqa toly aıdy asyǵa kútіp júrmіn», – dep jazdy Shaıdorov.
Búgіn Týrızm jáne sport mınıstrі Erbol Myrzabosynov sportshymen jasalǵan kelіsіmshartqa qatysty pіkіr bіldіrdі. Onyń aıtýynsha, qujatta 2030 jylǵy Olımpıada oıyndarynda júlde alý mіndettemesі saqtalǵan.
Mınıstrdіń sózіnshe, mundaı talaptar Olımpıada sportshylaryna ǵana emes, basqa deńgeıdegі atlettermen jasalatyn kelіsіmsharttarda da qarastyrylady.
«Mıhaıl Shaıdorovtyń komandasy AQSh-ta daıyndalyp jatyr. Aldaǵy ekі aıda oqý-jattyǵý jıyny ótedі. Bul kelіsіmshart sportshyny qandaı da bіr qarjyny qaıtarýǵa mіndettemeıdі», – dedі mınıstr.
Osylaısha, qazaqstandyq sportshy jańa olımpıadalyq tsıkl aldyndaǵy mańyzdy daıyndyq kezeńіn AQSh-ta ótkіzіp, aldaǵy halyqaralyq jarystarǵa ázіrlіgіn pysyqtamaq.
Material avtory
