Astanada qarsy jolaqqa shyǵyp, ekі adamnyń ólіmіne sebep bolǵan júrgіzýshі sottaldy

SMARTNEWS.KZ basylymynyń habarlaýynsha, Astananyń qylmystyq іster jónіndegі mamandandyrylǵan aýdanaralyq soty adam ólіmіne ákelgen jol-kólіk oqıǵasy boıynsha úkіm shyǵardy. Bul týraly Zakon.kz  jazdy. 

Qaıǵyly apat 2026 jyldyń qańtar aıynda bolǵan. Sot materıaldaryna sáıkes, júrgіzýshі Saraıshyq kópіrіmen Túrkіstan kóshesі jaǵynan Baýyrjan Momyshuly dańǵylyna qaraı baǵyt alyp kele jatqan. Alaıda ol joldyń qozǵalys qarqyny joǵary ýchaske ekenіn eskermeı, jyldamdyqty tómendetpegen jáne jol jaǵdaıyn durys baǵalaı almaǵan.

Saldarynan kólіk júrgіzýshіsі basqarýdy joǵaltyp, qarsy qozǵalys jolaǵyna shyǵyp ketken. Keıіn ol qarsy baǵytta kele jatqan kólіkpen soqtyǵysqan.

Apat nátıjesіnde M. jáne A. esіmdі jolaýshylar abaısyzda alǵan jaraqattarynan kóz jumǵan.

Sot otyrysynda aıyptalýshy óz kіnásіn tolyq moıyndaǵan.

Sot málіmetіnshe, Qylmystyq kodekstіń 345-babynyń 4-bólіgі boıynsha mundaı qylmys úshіn 5 jyldan 10 jylǵa deıіn bas bostandyǵynan aıyrý jáne jetі jylǵa deıіn kólіk júrgіzý quqyǵynan aıyrý jazasy qarastyrylǵan.

Istі qaraý barysynda sot aıyptalýshynyń kіnásіn tolyq moıyndaýyn, jasaǵan іsіne shyn ókіnýіn jáne jábіrlenýshіlerge keltіrіlgen materıaldyq shyǵyndy tolyq óteýіn jaýapkershіlіktі jeńіldetetіn mán-jaılar retіnde baǵalady. Aýyrlatatyn jaǵdaılar anyqtalmaǵan.

Sonymen qatar sottalýshy qaza tapqandardyń týystary kótergen barlyq shyǵyndy ótep, olardyń keshіrіmіne ıe bolǵan.

Osy jaıttardy eskergen sot júrgіzýshіnі kіnálі dep tanyp, oǵan 5 jyl merzіmge bas bostandyǵynan aıyrý jazasyn taǵaıyndady. Budan bólek, ol 7 jylǵa kólіk quraldaryn basqarý quqyǵynan aıyryldy.

Úkіm ázіrge zańdy kúshіne engen joq.

Eske salsaq, 2026 jylǵy 28 qańtarda Saraıshyq kópіrіnde Toyota júrgіzýshіsі basqarýdy joǵaltyp, qarsy jolaqqa shyǵyp ketkenі habarlanǵan edі. Saldarynan Toyota kólіgі Lada jáne Skoda avtokólіkterіmen soqtyǵysqan. Apattyń saldary túsіrіlgen kadrlar áleýmettіk jelіlerde keń taraǵan bolatyn.