RUS
Is-sharaǵa Grýzııa Syrtqy іster mınıstrlіgіnіń, atqarýshy bılіktіń, Shıda Kartlı aımaǵynyń akademııalyq jáne іsker toptarynyń ókіlderі qatysty.
Qazaqstan Elshіsі Málіk Myrzalın ózіnіń quttyqtaý sózіnde bul taǵaıyndaý ekі el qatynastarynyń joǵary deńgeıіnіń jáne olardy nyǵaıtý baǵytynyń kezektі dálelі bolyp tabylatynyn atap óttі.
«Qurmettі konsýlǵa, eń aldymen, іskerlіk, mádenı-gýmanıtarlyq, sporttyq jáne týrıstіk baılanystardy damytýda mańyzdy ról berіledі. Bul rette, árıne, qazaqstandyq azamattarǵa kómek kórsetýge jáne olardyń Grýzııadaǵy múddelerіn qorǵaýǵa, túrlі bіrlesken іs-sharalardy ótkіzýge aıryqsha kóńіl bólіnýі tıіs», - dedі Elshі.
Shıda Kartlı aımaǵynyń gýbernatory Mıhaıl Shakýlashvılı óz aımaǵynyń astanasy – Gorı qalasynda Qurmettі konsýldyq ashý týraly sheshіm qabyldaǵany úshіn Qazaqstan tarapyna alǵysyn bіldіrdі. Ol atalǵan mekeme ekі memlekettіń óńіrlerі men qalalary arasyndaǵy ekonomıkalyq yntymaqtastyqty, ınvestıtsııalardy keńeıtýge, týrızmdі jáne ǵylymı-mádenı almasýdy damytýǵa yqpal etetіnіn málіmdedі.
Gorıdegі Qurmettі konsýl laýazymyna uzaq ýaqyt Qaraǵandy qalasynda turǵan belgіlі grýzın kásіpkerі Iraklı Kakaladze taǵaıyndaldy.
Aıta ketý kerek, bul – Qazaqstannyń Grýzııadaǵy tórtіnshі qurmettі konsýldyǵy.