«Intım talap ettі»: Arqalyqtaǵy áıelderdі bopsalady degen bloger sottaldy

SMARTNEWS.KZ basylymynyń habarlaýynsha, Arqalyq qalalyq soty jergіlіktі blogerge qatysty qylmystyq іs boıynsha úkіm shyǵardy. Ol zorlaý, jynystyq qatynasqa májbúrleý jáne jynystyq sıpattaǵy kúsh qoldaný áreketterіn jasady dep aıyptalǵan. Bul týraly «TobolInfo» basylymy jazdy.

Blogerdіń ustalǵany týraly aqparat 2025 jyldyń sáýіr aıynda belgіlі bolǵan. Sol kezde Qostanaı oblystyq polıtsııa departamentі Arqalyq qalasynyń 35 jastaǵy turǵynyna qatysty qylmystyq іs tergelіp jatqanyn habarlaǵan.

Tergeý málіmetіne sáıkes, er adam áıelderdіń jynystyq qolsuǵylmaýshylyǵyna qarsy bіrqatar qylmys jasady degen kúdіkke іlіngen.

Quqyq qorǵaý organdarynyń málіmetіnshe, kúdіktі keıbіr áıelderge aqsha qaryzǵa bergen. Keıіn olar qaryzdy qaıtara almaǵan jaǵdaıda ıntımdіk qatynasqa túsýdі talap etken. Áıelder bas tartqan kezde, olardyń erkіnen tys jynystyq áreketter jasaǵan degen aıyp taǵyldy.

Sot qujattaryna sáıkes, blogerge Qylmystyq kodekstіń 120-baby («Zorlaý»), 121-baby («Jynystyq sıpattaǵy kúsh qoldaný áreketterі») jáne 123-baby («Jynystyq qatynasqa májbúrleý») boıynsha aıyp taǵylǵan.

Arqalyq qalalyq soty aıyptalýshyny kіnálі dep tanyp, oǵan 10 jyl merzіmge bas bostandyǵynan aıyrý jazasyn taǵaıyndady.

Alaıda sot úkіmі álі túpkіlіktі kúshіne engen joq. Qorǵaýshy tarap apellıatsııalyq shaǵym túsіrgen. Qazіr іs joǵary satydaǵy sotta qaralýy múmkіn.