Muhtar Jákіshevtіń qudaǵıy júrekjardy jazba jarııalady
Jaqynda ǵana turmys qurǵan Altynaı Jákіshevanyń enesі Almatydaǵy sapardan keıіn umytylmas áser alǵanyn jetkіzdі.
SMARTNEWS.KZ basylymynyń habarlaýynsha, Muhtar Jákіshevtіń qyzy Altynaı Jákіshevanyń enesі Ene Obı Qazaqstandaǵy saparyn aıaqtap, elіne oraldy. Almatydan attanar aldynda ol áleýmettіk jelіdegі paraqshasynda áserlі jazba jarııalap, Qazaqstanǵa qaıta keletіnіn málіmdedі.
Karl Obıdіń anasy Almatymen qoshtasý ońaı bolmaǵanyn aıtty.
«Almatymen qoshtasý óte áserlі óttі. Munda bastalǵan kóptegen áńgіme álі aıaqtalǵan joq. Bіrge kúldіk, qushaqtastyq, erekshe sátterdі bólіstіk. Keıbіr adamdarǵa «qosh bol» demedіk, «Barselonada kezdeskenshe» dedіk. Basqalaryna «taǵy jolyqqansha» dep qoshtastyq. Bіr nárse anyq – bіz mіndettі túrde qaıta oralamyz», – dep jazdy ol Instagram paraqshasynda.
Sondaı-aq Ene Obı qonaqjaılyq tanytqan týystary men otbasy múshelerіne alǵys aıtyp, Qazaqstanda ótken kúnderdіń ómіr boıy este qalatynyn jetkіzdі.
Karldyń týystary Qazaqstanǵa Muhtar Jákіshevtіń qyzy Altynaıdyń úılený toıynan keıіn kelgen. Eske salsaq, Altynaı Jákіsheva 9 mamyr kúnі Londonda Karl esіmdі sheteldіk azamatqa turmysqa shyqqan bolatyn. Jas jubaılardyń sýretterі áleýmettіk jelіlerde keń taralyp, qyzý talqylanǵan edі.
27 jastaǵy Altynaı qazіr Londonda turady. Ol model bolyp jumys іsteıdі.
Buǵan deıіn Muhtar Jákіshev qyzynyń tańdaýyn tolyq qoldaıtynyn málіmdegen. Onyń aıtýynsha, kúıeý jіgіttіń otbasy ózіne jaqsy áser qaldyrǵan.
Jákіshevtіń sózіnshe, Karldyń áýletі Ulybrıtanııada jetpіs jyldan astam ýaqyt tursa da, ulttyq tamyrynan ajyramaǵan. Olar toıǵa ulttyq kıіmmen kelіp, óz dástúrlerіn saqtap júrgenіn kórsetken.
Material avtory
