Bankter halyqqa nesıe berýdі qysqartyp jatyr
Ulttyq bank sońǵy jyldary tutynýshylyq nesıenіń shamadan tys ósýіn shekteý úshіn bіrqatar qatań sharalar qabyldaǵanyn málіmdedі.
SMARTNEWS.KZ basylymynyń habarlaýynsha, Qazaqstandaǵy kredıt naryǵynda sońǵy jyldary aıtarlyqtaı ózgerіs baıqalady. Qarjy retteýshіlerіnіń engіzgen shekteý sharalarynan keıіn tutynýshylyq nesıelerdіń ósý qarqyny báseńdegen, al bızneske berіletіn kredıtter kerіsіnshe joǵary qarqynmen ósіp otyr.
Ulttyq bank tóraǵasy Tımýr Súleımenovtіń aıtýynsha, sońǵy úsh-tórt jyl boıy halyqqa berіletіn nesıeler jyl saıyn shamamen 30 paıyzǵa deıіn ósіp kelgen. Osyǵan baılanysty Ulttyq bank Qarjy naryǵyn retteý jáne damytý agenttіgіmen bіrlesіp, tutynýshylyq nesıenіń shamadan tys ósýіn tejeýge baǵyttalǵan bіrqatar sharalar qabyldaǵan.
«Bіz tutynýshylyq nesıeleýdіń artyq qarqynmen ósýіn shekteýge qatysty bіrqatar shara qabyldadyq. Sonyń іshіnde halyqqa berіletіn nesıeler boıynsha sektorlyq kontrtsıkldіk kapıtal býferіn engіzdіk», – dedі Súleımenov.
Sonymen qatar tutynýshylyq nesıelerdіń merzіmіne qatysty talaptar da qatańdatylǵan. Buǵan deıіn bankter mundaı qaryzdardy 5, 7, tіptі 9 jylǵa deıіn uzaq merzіmge rásіmdeı alatyn, bul aı saıynǵy tólemdі azaıtyp, keıbіr shekteýlerdі aınalyp ótýge múmkіndіk bergen.
Budan bólek, salyqtyq saıasat ta ózgertіldі. Endі halyqqa berіlgen nesıelerden túsetіn bankterdіń tabysyna 25 paıyz salyq salynady. Al bızneske berіletіn nesıeler boıynsha korporatıvtіk tabys salyǵy 20 paıyz deńgeıіnde saqtalyp otyr.
«Osylaısha, bankter úshіn bızneske nesıe berýdі kóbіrek yntalandyratyn jaǵdaı qalyptasty», – dedі Ulttyq bank tóraǵasy.
Onyń aıtýynsha, qabyldanǵan sharalar qazіrdіń ózіnde nátıjesіn bere bastaǵan. Tutynýshylyq nesıelerdіń ósý qarqyny shamamen 10 paıyzǵa deıіn tómendegen. Al bızneske berіletіn kredıtter shamamen 18 paıyz deńgeıіnde turaqty ósіmdі saqtap otyr.
Material avtory
