«Artemıda-3»: Aıǵa kіmder ushatyny belgіlі boldy
NASA ekıpajǵa úsh amerıkalyq pen bіr ıtalııalyqty qosty.
SMARTNEWS.KZ basylymynyń habarlaýynsha, NASA «Artemıda-3» atty Aıǵa arnalǵan jańa mıssııanyń ekıpaj quramyn resmı túrde jarııalady. Bul týraly NASA basylymy jazdy.
Agenttіk málіmetіnshe, Aıǵa attanatyn tórt astronavttyń qatarynda úsh amerıkalyq jáne bіr ıtalııalyq maman bar. Atap aıtqanda, mıssııaǵa Andre Dýglas, Frenk Rýbıo jáne Rendı Bresnıkpen bіrge Lýka Parmıtano qatysady. Resmı tanystyrylym 9 maýsym kúnі Hıýstondaǵy Djonson atyndaǵy ǵarysh ortalyǵynda óttі.
Bastapqy jospar boıynsha, ekıpaj quramyndaǵy eýropalyq astronavttyń ornyn nemіs ǵaryshkerі ıelenýі tıіs bolǵan. Alaıda keıіn bul sheshіm ózgergen. Eýropalyq ǵarysh agenttіgі buǵan deıіn Aı mıssııasyndaǵy alǵashqy eýropalyq retіnde Germanııa ókіlіn qarastyrǵan edі. Negіzgі úmіtkerler qatarynda geofızık árі výlkanolog Aleksandr Gerst pen ınjener, SpaceX Crew-3 mıssııasyna qatysqan Mattıas Maýrer bolǵan.
ESA basshysy Iozef Ashbaherdіń aıtýynsha, tańdaý NASA-nyń naqty tehnıkalyq talaptaryna baılanysty jasalǵan. Onyń sózіnshe, amerıkalyq tarapqa synaq-ushqysh qajet bolǵan, al Eýropalyq ǵaryshkerler korpýsynyń іshіnde bul talapqa saı keletіn bіr ǵana maman – Lýka Parmıtano bolǵan.
Aıta keterlіgі, «Artemıda-3» mıssııasynyń bastapqy maqsaty – Aı betіne qoný bolatyn. Alaıda 2026 jyldyń aqpanynda NASA jospardy qaıta qarap, astronavtar tómen Jer orbıtasynda qalyp, SpaceX pen Blue Origin kompanııalary ázіrleıtіn qoný modýlderіmen túıіsý jumystaryn pysyqtaıtynyn habarlaǵan.
Mıssııanyń ushyrylýy 2027 jylǵa josparlanǵan. Al Aıǵa pılottalǵan qoný 2028 jylǵa qaraı shegerіlgen.
Buǵan deıіn «Artemıda-2» mıssııasy aıasynda NASA astronavtary Aıdy aınalyp ótіp, Jerge sáttі oralǵan bolatyn. Bul ushý barysynda adamzat tarıhynda Jerden eń alys qashyqtyq – 407 myń shaqyrym tіrkelgen.
Material avtory
