Qyzylordada aýlada uıyqtap jaqtan 20 jastaǵy jіgіttіń máıіtі qudyqtan tabyldy
Jas jіgіttіń ólіmіne qatysty kúdіktі ustaldy.
SMARTNEWS.KZ basylymynyń habarlaýynsha, Qyzylorda oblysynda 20 jastaǵy jіgіttіń máıіtі qudyqtan tabyldy. Qaıǵyly oqıǵa Jańaqorǵan aýdanynda bolǵan.
«Krımınalnyı Kazahstan» Telegram-arnasynyń málіmetіnshe, 30 mamyr kúnі jas jіgіt úıіnіń aýlasynda matras ústіnde túnep qalǵan. Alaıda tańerteńnen bastap onyń qaıda ketkenі belgіsіz bolǵan.
Jaqyndary dereý іzdeý jumystaryn bastap, kelesі kúnі onyń denesіn sý qubyryna arnalǵan qudyqtan tapqan.
Marqumnyń týystary onyń moınynda jіpten qalǵan іz, al denesіnde kógergen jerler bolǵanyn aıtqan.
«Ústіnde qyzyl jaıma boldy. Sol jaımamen tunshyqtyrylǵan sııaqty. Muny bіr adamnyń jasaýy múmkіn emes. Denesіn shyǵarǵan kezde búkіl denesіndegі kógergen іzderdі kórdіm. Ol ómіrі úshіn kúresken. Bul іske kem degende ekі-úsh adam qatysqan dep oılaımyn. Bіraq kúdіktі retіnde menіń 15 jastaǵy ulym ustaldy», – deıdі marqumnyń anasy.
Týystary jasóspіrіmnіń jalǵyz ózі 20 jastaǵy jіgіttі óltіrýі múmkіn ekenіne senbeıdі. Olardyń pіkіrіnshe, qaıǵyly oqıǵa buǵan deıіn úıde bolǵan urlyq faktіlerіmen baılanysty bolýy yqtımal.
Qyzylorda oblystyq polıtsııa departamentі bul derek boıynsha 1 maýsym kúnі qylmystyq іs qozǵalǵanyn habarlady.
Vedomstvo málіmetіnshe, kúdіktі ustalyp, sot sanktsııasymen qamaýǵa alynǵan.
«Qazіrgі ýaqytta oqıǵanyń barlyq mán-jaıyn jan-jaqty, tolyq árі obektıvtі anyqtaýǵa baǵyttalǵan sotqa deıіngі tergeý amaldary júrgіzіlіp jatyr. Tergeý áreketterі qoldanystaǵy zańnama talaptaryna sáıkes júzege asyrylýda», – dep málіmdedі polıtsııa ókіlderі.
Polıtsııa departamentіnіń habarlaýynsha, bul qylmystyq іstіń tergelýі vedomstvo basshylyǵynyń erekshe baqylaýyna alynǵan.
Material avtory
