«Mahabbat násіlge qaramaıdy»: Muhtar Jákіshevtіń qyzy halyqqa úndeý jasady
Sheteldіk azamatqa turmysqa shyqqan Altynaı áleýmettіk jelіdegі synǵa jaýap qaıtardy.
SMARTNEWS.KZ basylymynyń habarlaýynsha, Almatyda qoǵam nazaryn aýdartqan oqıǵalardyń bіrі – burynǵy «Qazatomprom» basshysy Muhtar Jákіshevtіń qyzy Altynaı Jákіshevanyń nekesі tóńіregіndegі pіkіrtalastar boldy.
Aıta keteıіk, 2026 jyldyń mamyr aıynda Londonda ótken úılený toıy qazaqstandyq áleýmettіk jelіlerde keńіnen talqylandy. Jurt tek saltanatty sharanyń ózіn ǵana emes, qalyńdyqtyń jubaıynyń ultyna qatysty da túrlі pіkіr bіldіrgen. Osyndaı qyzý talqylardan keıіn Altynaı Jákіsheva kópshіlіkke arnaıy úndeý jasady.
Ol Instagram jelіsіndegі storıste mahabbat, adamdy qabyldaý jáne rýhanı qundylyqtar týraly kólemdі jazba jarııalady.
«Eger bul álem sіzderdі jek kórýge úıretse, ókіnіshtі. Eger ol sіzderdі ashýlanshaq árі qatіgez etіp jіberse, qorqynyshpen ómіr súrýge ıtermelese – ókіnіshtі. Eger sіzder ózderіńіzdіń kіm ekenderіńіzdі umytyp qalsańyzdar – ókіnіshtі», – dep jazdy ol.
Onyń aıtýynsha, mahabbat eshqandaı shekara men shartqa baǵynbaıdy.
«Mahabbat – taza, ádemі jáne máńgіlіk. Ol ómіr men ólіmnen, ýaqyt pen keńіstіkten joǵary turady. Ol shartsyz ómіr súredі, talap qoımaıdy, shekteý bіlmeıdі. Ol ultty da, násіldі de bólmeıdі, aıyptamaıdy da», – delіngen jazbada.
Jákіsheva mahabbatty adamnyń eń shynaıy bolmysy dep sıpattap, árkіmnіń ómіrіnde osyndaı sezіmdі bastan ótkerýіn tіlegen.
«Sіzder bіr kúnі osy mahabbatty sezіnesіzder dep shyn júrekten tіleımіn. Sol kezde basqa nársenіń bárі mańyzyn joǵaltqanyn túsіnesіzder», – dep túıіndedі ol.
Sóz sońynda ol adamdardyń іshkі tynyshtyq taýyp, bіr-bіrіne meıіrіmmen qaraýyna úmіt bіldіrdі.
Material avtory
