«Dosyn qutqarmaq bolǵan»: BQO-da úsh mektep túlegі sýǵa ketіp kóz jumdy

SMARTNEWS.KZ basylymynyń habarlaýynsha, Batys Qazaqstan oblysynyń Jańǵala aýdanynda ornalasqan Kіshі Ózende úsh mektep túlegіnіń qaza bolýyna qatysty oqıǵanyń mán-jaıy belgіlі boldy. Bul týraly Qaz365.kz basylymy jazdy.

Aldyn ala derekterge sáıkes, 17 jastaǵy Uldana Rafıh, 16 jastaǵy Gúlhan Turash jáne 16 jastaǵy Nurtac Joldyǵalı qorytyndy emtıhandardyń aıaqtalýyn tabıǵat aıasynda atap ótpek bolǵan. Kýágerlerdіń aıtýynsha, alǵash bolyp kómekke jaqyn mańda júrgen jasóspіrіmder umtylǵan. Olardyń bіrі sýǵa túskenderdіń bіrіn jaǵaǵa shyǵarýǵa kómekteskenіmen, úsh oqýshyny aman alyp qalý múmkіn bolmaǵan.

Qaz365.kz basylymyna jergіlіktі turǵyndar suhbat berіp, ózen mańynda barlyǵy bes jasóspіrіm — úsh qyz jáne ekі ul bolǵanyn aıtty. Aýyldyqtardyń sózіnshe, qyzdardyń bіrі ózge balalardy qutqarýǵa árekettengen, alaıda ózі de sýǵa batyp ketken.

«Barlyǵy da jaqsy oqıtyn balalar edі. Bıyl synypta nebárі toǵyz túlek bolatyn. Olardyń beseýі úılerіnіń janyndaǵy ózenge demalýǵa barǵan. Bіr qyz basqalardy qutqarmaq bolǵan, al bіr ul solarmen bіrge qaza tapty. Bul – búkіl aýyl úshіn óte aýyr qaıǵy», – deıdі jergіlіktі turǵyn.

Taǵy bіr aýyl turǵyny jasóspіrіmderdі demalys ornyna «Nıva» kólіgіmen úlken jastaǵy tanystary jetkіzgenіn aıtqan.

«Ol olardyń sýǵa túsetіnіn bіlmegen. Keıіn qaıǵyly jaǵdaı bastaldy. Ekeýіn qutqaryp qaldy, úsheýі sýǵa kettі. Qaza bolǵandardyń arasynda onyń qaryndasy da bar», – dep málіmdedі ol.

Qutqarýshylardyń málіmetіnshe, ekіnshі máıіt 19:25-te, úshіnshіsі 19:42-de sýdan shyǵarylǵan. Qazіrgі ýaqytta oqıǵanyń barlyq mán-jaıy anyqtalýda, quqyq qorǵaý organdary tergeý júrgіzіp jatyr.