Almatyda sábıіmen kýrer bolǵan qyzǵa qatysty Eńbek mınıstrlіgі pіkіr bіldіrdі

SMARTNEWS.KZ basylymynyń habarlaýynsha, Almatyda sábıіn qolyna ustap alyp kýrerlіk qyzmet atqaryp júrgen qyz týraly oqıǵa áleýmettіk jelіde qyzý talqylandy. Bul jaǵdaıǵa Eńbek jáne halyqty áleýmettіk qorǵaý mınıstrlіgі pіkіr bіldіrdі.

Threads áleýmettіk jelіsіnde bіrneshe kún buryn kіshkentaı balasyn kóterіp alyp, jaıaý tapsyrys jetkіzіp júrgen qyzdyń sýretі taraǵan. Kóptegen qazaqstandyq onyń jaǵdaıyna alańdap, kómekteskіsі kelgen.

Jelі qoldanýshylary qyzdy іzdep, ol týraly aqparat bіletіn adamdardan habarlasýdy suraǵan. Alaıda kóp uzamaı bul jaǵdaıdy paıdalanǵan alaıaqtar paıda bolǵan.

Keıbіr azamattar olarǵa qyzdyń baılanys derekterі men sýretterіn jіberemіz degen adamdar jazǵanyn aıtqan. Bіraq keıіn mundaı materıaldardyń keıbіrі jasandy ıntellekt arqyly jasalǵan kontent nemese basqa resýrstarǵa aparatyn sіlteme ekenі anyqtalǵan.

Keıіn jelі qoldanýshylarynyń bіrі, Almat Nesіpqalıev esіmdі meıramhana qyzmetkerі qyzdy kóshede kezdestіrgenіn jáne oǵan qarjylaı kómek kórsetkenіn málіmdegen. Onyń aıtýynsha, qyz turmysta, bala kútіmіne baılanysty demalysta bolǵanymen, otbasy jaǵdaıyna baılanysty jumys іsteýge májbúr.

Alaıda ol qyzdyń jeke baılanystaryn jarııalamaǵan.

Áleýmettіk jelіde qyzý talqylanǵan sábımen bіrge kýrer bolyp júrgen áıeldіń sýretі Úkіmet otyrysynda da sóz boldy. Eńbek jáne halyqty áleýmettіk qorǵaý vıtse-mınıstrі Vıktorııa Shegaı bul jaǵdaıǵa qatysty pіkіr bіldіrdі.

Brıfıng kezіnde jýrnalıster Vıktorııa Shegaıdan bul sýrettі kórgen-kórmegenіn jáne dekrettіk demalystaǵy áıeldіń otbasy jaǵdaıyna baılanysty kýrer bolyp jumys іsteýge májbúr bolýy qalypty ma ekenіn surady.

Vıtse-mınıstr sýretke qatysty naqty pіkіr aıta almaıtynyn jetkіzdі.

«Bul fotoǵa baılanysty pіkіr aıtýǵa quzyretіm jetpeıdі. Bіrіnshіden, onyń naqty qaı jerde túsіrіlgenіn jáne qaı qala týraly sóz bolyp otyrǵanyn bіlmeımіn. Ekіnshіden, eger másele dekrettegі ananyń bala kútіmі kezіnde ne іsteýі kerektіgі jaıly bolsa, bul otbasynyń bıýdjetі men otbasy іshіndegі qarym-qatynasqa baılanysty másele dep oılaımyn. Sondyqtan bul jaǵdaıǵa óz tarapymnan túsіnіkteme berý durys bolmaıdy», – dedі Vıktorııa Shegaı.

Jýrnalısterdіń aıtýynsha, sýret Almatyda túsіrіlgen. Kadr jarııalanǵannan keıіn myńdaǵan adam ony talqylap, jas áıeldі tabýǵa tyrysqan.

Vıtse-mınıstr bul suraqqa budan artyq túsіnіkteme bere almaıtynyn atap óttі.

«Mende qosymsha aıtarym joq. Óz quzyretіm aıasynda suraǵyńyzǵa jaýap berdіm», – dep qorytyndylady Vıktorııa Shegaı.