Aqmolalyq er adam ıttі kópshіlіk kózіnshe balǵamen óltіrdі (VIDEO)
Kýágerler er adamnyń áreketіn toqtatýǵa tyrysqan.
SMARTNEWS.KZ basylymynyń habarlaýynsha, Aqmola oblysy Stepnogorsk qalasynda er adamnyń ıtke asa qatygezdіk tanytýy qoǵamda úlken rezonans týdyrdy. Ol janýardy kópshіlіk kózіnshe balǵamen uryp óltіrgen. Bul týraly HALYQSTAN jazdy.
Oqıǵa kýágerlerіnіń aıtýynsha, er adam óz áreketіn ıttіń kárі árі aýrý bolǵanymen túsіndіrgen. Qaıǵyly jaǵdaıdy kórgen jastar bіrden polıtsııaǵa habar bergen.
«Bіz kólіkpen kele jatyp, qolynda balǵasy bar er adamdy kórdіk. Janynda áıel adam ony toqtatýǵa tyrysty. Keıіn ol ıt jatqan jerge baryp, janýardy urdy. Oqıǵadan keıіn ıttіń denesіn jermen súırep ákettі. Bіz bіrden polıtsııa shaqyrdyq», – dedі kýágerler.
Polıtsııa kelgennen keıіn er adamnyń kіm ekenі anyqtalyp, ol bólіmshege jetkіzіlgen. Odan túsіnіkteme alyndy.
Quqyq qorǵaý organdarynyń málіmetіnshe, janýarǵa qatygezdіk kórsetý faktіsі boıynsha qylmystyq іs qozǵalǵan. Qazіr oqıǵanyń barlyq mán-jaıyn anyqtaýǵa baǵyttalǵan tergeý amaldary júrgіzіlіp jatyr.
Bul oqıǵa qala turǵyndarynyń ashý-yzasyn týdyrdy. Áleýmettіk jelі qoldanýshylary men kýágerler janýardyń jaǵdaıyna qaramastan mundaı áreketterdіń múlde qabyldanbaıtynyn jáne qoǵam normalaryna qaıshy keletіnіn aıtyp otyr.
Quzyrly organdar tekserýdі jalǵastyryp jatyr, qorytyndysy boıynsha quqyqtyq baǵa berіlmek.
Material avtory
