Qaırat Nurtastyń kontsertіne jalǵan bılet satqan qyz ustaldy
10 myń teńge úshіn jas qyzdyń ústіnen іs qozǵaldy.
SMARTNEWS.KZ basylymynyń habarlaýynsha, Abaı oblysynda jas qyz tanymal ánshі Qaırat Nurtastyń kontsertіne jalǵan bılet satty degen kúdіkpen qylmystyq іske tartyldy. Ol bılet úshіn 10 myń teńge alǵan.
Abaı oblysynyń polıtsııa departamentі áleýmettіk jelі arqyly jasalǵan ınternet-alaıaqtyq deregіn anyqtady. Quqyq qorǵaý organdarynyń málіmetіnshe, kúdіktі kontsertke jalǵan bılet usynyp, jábіrlenýshіden aqsha alǵan.
Oqıǵa Semeı qalasynda tіrkelgen. Medıtsınalyq kolledj stýdentі polıtsııaǵa aryz túsіrіp, áleýmettіk jelі arqyly beıtanys adamnyń kontsertke bılet satýdy usynǵanyn aıtqan.
Jábіrlenýshі usynysqa senіp, bank qosymshasy arqyly 10 myń teńge aýdarǵan. Alaıda aqsha jіberіlgennen keıіn bılet berіlmegen.
Polıtsııa qyzmetkerlerі júrgіzgen jedel-іzdestіrý sharalary barysynda kúdіktіnіń jeke basy anyqtaldy. Ol Semeı qalasynyń 20 jastaǵy turǵyny bolyp shyqty.
«Kúdіktі óz kіnásіn moıyndaǵan. Aqsha tárkіlendі. Oqıǵa ornynan hat almasý skrınshottary men aqsha aýdarylǵany týraly túbіrtek alyndy», – dep habarlady Abaı oblysy polıtsııa departamentі.
Atalǵan derek boıynsha QR Qylmystyq kodeksіnіń «Alaıaqtyq» baby boıynsha sotqa deıіngі tergeý bastaldy. Kúdіktіge protsessýaldyq májbúrleý sharasy retіnde kelý týraly mіndetteme berіlgen.
Polıtsııa azamattarǵa áleýmettіk jelіler men messendjerler arqyly bılet satyp alǵanda muqııat bolýǵa keńes berdі. Quqyq qorǵaý organdary bıletterdі tek resmı servıster men tekserіlgen platformalar arqyly alýǵa shaqyrdy.
Material avtory
