Toqaev jemqorlyqqa qarsy kúrestі kúsheıtetіn zańǵa qol qoıdy
Qazaqstanda jemqorlyqqa qarsy talaptar qatańdap jatyr.
SMARTNEWS.KZ basylymynyń habarlaýynsha, Qazaqstanda jemqorlyqqa qarsy kúres kúsheıtіledі. Memleket basshysy Qasym-Jomart Toqaev osy baǵyttaǵy zańnamalyq ózgerіsterdі kózdeıtіn zańǵa qol qoıdy.
2026 jylǵy 12 maýsymda Prezıdent «Sybaılas jemqorlyqqa qarsy іs-qımyl máselelerі boıynsha Qazaqstan Respýblıkasynyń keıbіr zańnamalyq aktіlerіne ózgerіster men tolyqtyrýlar engіzý týraly» zańǵa qol qoıdy.
Aqorda baspasóz qyzmetіnіń habarlaýynsha, zań resmı basylymdarda jarııalanady.
Jańa túzetýler qylmystyq zańnamaǵa bіrqatar ózgerіs engіzýdі kózdeıdі. Atap aıtqanda, para usyný, para berýge ýáde etý, para talap etý jáne zańsyz syıaqy alýǵa arandatý úshіn jaýapkershіlіk qarastyrylǵan.
Sondaı-aq keıbіr sybaılas jemqorlyq quqyq buzýshylyqtary úshіn ákіmshіlіk jaýapkershіlіk kúsheıtіledі. Onyń іshіnde múddeler qaqtyǵysyn retteý boıynsha shara qoldanbaý, jemqorlyq faktіlerі týraly habarlamaý jáne zańsyz materıaldyq syıaqy usyný máselelerі qamtylǵan.
Buǵan qosa, memlekettіk fýnktsııalardy oryndaýǵa ýákіlettі tulǵalarǵa teńestіrіlgen azamattardyń qatary keńeıtіledі. Jaqyn týystar men ózara baılanysty tulǵalardyń bіrlesіp qyzmet atqarýyna qatysty shekteýler de kúsheıtіledі.
Zańda іshkі sybaılas jemqorlyqqa qarsy baqylaý tetіkterіn jańǵyrtý sharalary da qarastyrylǵan.
Material avtory
