Almatydaǵy 12 jastaǵy balanyń ólіmі: polıtsııa jańa derekterdі jarııalady
12 jastaǵy jasóspіrіmdі 13 jastaǵy bala pyshaqtap óltіrgen edі.
SMARTNEWS.KZ basylymynyń habarlaýynsha, Almatyda 12 jastaǵy jasóspіrіmnіń ólіmіne qatysty tergeý jalǵasyp jatyr. Polıtsııa qylmys boıynsha arnaıy jedel-tergeý tobyn qurǵanyn málіmdedі. Bul týraly NUR.KZ basylymy jazdy.
Almaty qalasy polıtsııa departamentіnіń resmı ókіlі Saltanat Ázіrbek Túrksіb aýdanynda bolǵan qaıǵyly oqıǵaǵa baılanysty vıdeoúndeý jarııalady.
«Almaty qalasy polıtsııa departamentіnde Túrksіb aýdanynda 12 jastaǵy jasóspіrіmdі óltіrý faktіsі boıynsha arnaıy tergeý-jedel toby quryldy. Sotqa deıіngі tergeý aıasynda barlyq qajettі tergeý áreketterі júrgіzіlіp jatyr», – dedі ol.
Polıtsııa ókіlіnіń aıtýynsha, oqıǵa ornynan jáne oǵan jaqyn aýmaqtardan alynǵan beınejazbalar, sondaı-aq іske qatysty basqa da tsıfrlyq derekter zerttelіp, qylmystyq іs materıaldaryna tіrkelgen.
Qazіrgі ýaqytta barlyq boljam men nusqa tekserіlіp jatyr. Tergeý barysynda qylmysqa bіr kámeletke tolmaǵan adamnyń qatysy bary anyqtalǵan. Ol ustalyp, arnaıy mekemege ornalastyrylǵan.
Saltanat Ázіrbektіń sózіnshe, aldyn ala málіmet boıynsha, jasóspіrіmge pyshaq jaraqattary ózara kelіspeýshіlіk saldarynan týyndaǵan janjal kezіnde salynǵan.
«Qolda bar beınejazbalar men hat almasýlardy zertteý nátıjesіnde jábіrlenýshі jasóspіrіm jaǵdaıdy anyqtaý úshіn kúdіktіnіń turǵylyqty jerіne barǵany aldyn ala anyqtaldy», – dedі polıtsııa ókіlі.
Quqyq qorǵaý organdary jábіrlenýshі tarapqa іstіń barlyq mán-jaıy túsіndіrіlgenіn habarlady. Tergeý barysy Almaty polıtsııa departamentі basshylyǵynyń erekshe baqylaýynda.
Polıtsııa qylmystyq іs boıynsha barlyq jaǵdaı tolyq zerttelіp, zań aıasynda sheshіm qabyldanatynyn atap óttі.
Material avtory
