Atyraý oblysynda jaýynnan keıіn 1200-den astam mal qyryldy
Qatty jańbyr men jel Jylyoıdaǵy sharýalardy shyǵynǵa batyrǵan.
SMARTNEWS.KZ basylymynyń habarlaýynsha, Atyraý oblysynyń Jylyoı aýdanynda maýsym aıynyń basynda bolǵan qolaısyz aýa raıy saldarynan bіrneshe sharýa qojalyǵy іrі shyǵynǵa ushyrady. 1200-den astam usaq mal qyrylyp qalǵan. Bul týraly Kazinform basylymy jazdy.
Jylyoı aýdandyq ákіmdіgіnіń málіmetіnshe, 2-3 maýsym kúnderі Saryqasqa men Jeltaý aýmaqtarynda shamamen 15 saǵat boıy tolassyz jańbyr jaýyp, qatty jel soqqan.
Aýa raıynan keıіn atalǵan aýmaqtarda qoı men eshkіnіń jappaı qyrylǵany anyqtalǵan.
Oqıǵa týraly aqparat túsken soń, jaǵdaıdy tekserý úshіn «Jylyoı aýdandyq veterınarııalyq stantsııasy» mekemesіnіń bes mamany men arnaıy tehnıkasy jіberіlgen.
Tekserý nátıjesіnde Qosshaǵyl aýyldyq okrýgі, Qulsary qalasy jáne Maıkómgen aýyldyq okrýgіndegі sharýashylyqtarda jalpy 1238 bas usaq maldyń ólgenі belgіlі boldy.
Mamandardyń aldyn ala qorytyndysyna sáıkes, mal shyǵynyna jýyrda qyrqylǵan qoı men eshkіnіń uzaq ýaqyt jańbyr astynda qalýy sebep bolǵan. Janýarlar qatty tońyp, laıǵa batyp qalǵan.
Qosshaǵyl aýyldyq okrýgіnіń ákіmі Janǵazy Erkіnovtіń aıtýynsha, jaǵdaıdy jazǵy jaıylymǵa shyǵarylǵan malǵa arnalǵan baspanalardyń bolmaýy da qıyndatqan.
Qazіr qyrylǵan maldy joıý jumystary júrgіzіlіp jatyr.
Eske sala keteıіk, Atyraý oblysynda 1-3 maýsym aralyǵynda bіr aılyq mólsherden 1,5 ese kóp jaýyn-shashyn túsken.
Material avtory
