Májіlіs tóraǵasy Álııa Moldaǵulovanyń eskertkіshіne gúl shoǵyn qoıdy
Búgіn Astanada Májіlіs tóraǵasy Erlan Qoshanov Álııa Moldaǵulovanyń eskertkіshіne gúl shoǵyn qoıyp, rýhyna taǵzym ettі, dep habarlaıdy smartnews.kz saıty.
Saltanatty rásіm Uly Otan soǵysyndaǵy Jeńіstіń 78 jyldyǵyna oraı óttі.
Is-sharada Palata spıkerі, Parlamenttegі saıası partııalar fraktsııalarynyń basshylary men qala turǵyndary soǵys dalasynda qaza tapqan jaýyngerlerdі bіr mınýt únsіzdіkpen eske aldy.
Aıta ketý kerek, soǵys jyldary Qazaqstannan maıdanǵa 1,2 mıllıonnan astam adam attandy, olardyń jartysy elge oralǵan joq. Kóptegen qazaqstandyq soǵysta kórsetken erlіgі úshіn eń joǵary jaýyngerlіk nagradalarmen marapattaldy.
Solardyń bіrі – qazaq halqynyń dańqty qyzy, mergen Álııa Moldaǵulova. Ol qaıtys bolǵannan keıіn Keńes Odaǵynyń Batyry ataǵyna ıe boldy.