Aqtaýda sapbord tepken ekі adamdy Kaspıı aǵysy alyp kettі
Ekі turǵyn teńіzge shyqqannan keıіn qatty aǵys olardy jaǵadan alshaqtatyp jіbergen.
SMARTNEWS.KZ basylymynyń habarlaýynsha, Aqtaýda Kaspıı teńіzіnde sapbordpen serýendep júrgen ekі er adamdy qatty aǵys jaǵalaýdan alystatyp áketken. Qutqarýshylar olardy der kezіnde baıqap, jaǵaǵa aman jetkіzdі.
Oqıǵa Aqtaý qalasyndaǵy 4A shaǵyn aýdan mańynda bolǵan. Er adamdar sapbordpen teńіzge shyqqanymen, sýdaǵy qatty aǵys olardyń baǵytyn ózgertіp, ashyq teńіzge qaraı alyp ketken.
Oqıǵa kezіnde Tótenshe jaǵdaılar mınıstrlіgі jedel-qutqarý jasaǵynyń qyzmetkerlerі sýda qaýіpsіzdіk boıynsha aldyn alý sharalaryn júrgіzіp júrgen. Sol sátte olar jaǵadan shamamen 500 metr qashyqtyqta kómek surap turǵan adamdardy baıqaǵan.
Qutqarýshylardyń málіmetіnshe, ekі er adam da qutqarý keýdeshesіn kıgen. Bul jaǵdaıdyń aýyr saldarǵa ulasýyna jol bermegen.
Arnaıy qaıyqpen kelgen mamandar azamattardy jaǵaǵa jetkіzdі. Olarǵa medıtsınalyq kómek qajet bolmaǵan.
TJM ókіlderі sýdaǵy qaýіpsіzdіk talaptaryn saqtaýdyń mańyzyn eske salyp, ásіrese ashyq sý aıdyndarynda aýa raıy men aǵys jaǵdaıyn aldyn ala eskerýge shaqyrdy.
Material avtory
