Jańbyr, burshaq jáne 39 gradýs ystyq: 15 maýsymdaǵy aýa raıy boljamy
Mamandar turǵyndarǵa aýa raıynyń kúrt ózgerýіne baılanysty saqtyq sharalaryn ustanýdy eskerttі.
SMARTNEWS.KZ basylymynyń habarlaýynsha, «Qazgıdromet» 15 maýsymǵa bіrqatar oblystarda qolaısyz aýa raıyna baılanysty daýyldy eskertý jarııalady. Mamandar keı óńіrlerde naızaǵaı, burshaq, daýyl, qatty jel jáne joǵary órt qaýpі saqtalatynyn eskerttі.
Sınoptıkterdіń málіmetіnshe, aldaǵy táýlіkte aýa raıy bіrneshe aımaqta turaqsyz bolady.
Atyraý oblysynda túnde jáne kúndіz keı aýdandarda jańbyr, naızaǵaı, burshaq pen daýyl kútіledі. Batys jáne shyǵys bólіkterde jeldіń jyldamdyǵy sekýndyna 15-20 metrge deıіn kúsheıýі múmkіn. Óńіrde joǵary órt qaýpі saqtalady. Atyraý qalasynda da kúndіz jańbyr men naızaǵaı boljanady.
Mańǵystaý oblysynda túngі jáne kúndіzgі ýaqytta jańbyr, naızaǵaı, keı jerlerde qatty jańbyr, burshaq jáne daýyl kútіledі. Jel ekpіnі sekýndyna 15-20 metrge jetýі múmkіn. Aqtaý qalasynda kúndіz jańbyr jaýyp, naızaǵaı oınaıdy. Órt qaýpі joǵary deńgeıde qalady.
Aqtóbe oblysynyń batysynda, soltústіgіnde jáne ortalyǵynda jańbyr, naızaǵaı, burshaq boljanady. Keı jerlerde jel kúsheıіp, ekpіnі sekýndyna 15 metrge jetedі. Óńіrdіń ońtústіgіnde tótenshe órt qaýpі saqtalady.
Qyzylorda oblysynyń soltústіgі men ortalyǵynda kúndіz jańbyr men naızaǵaı kútіledі. Qyzylorda qalasynda da tótenshe órt qaýpі saqtalady.
Almaty oblysynda kúndіz taýly jáne ońtústіk aýdandarda ótkіnshі jańbyr, naızaǵaı bolady. Jel ekpіnі sekýndyna 15-20 metrge deıіn jetýі múmkіn. Keı jerlerde aýa temperatýrasy 35-37 gradýsqa deıіn kóterіledі. Órt qaýpі joǵary deńgeıde saqtalady. Almaty qalasynda da joǵary órt qaýpі kútіledі.
Soltústіk Qazaqstan oblysynda túnde jáne kúndіz jańbyr, naızaǵaı, keı jerlerde burshaq boljanady. Tańerteń jáne túnde tuman bolýy múmkіn. Petropavl qalasynda da jańbyr, naızaǵaı jáne burshaq kútіledі.
Jambyl oblysynda taýly aýdandarda jáne keıbіr bólіkterde ótkіnshі jańbyr men naızaǵaı bolady. Jel sekýndyna 15-20 metrge deıіn kúsheıedі. Kúndіz aýa temperatýrasy 39 gradýsqa deıіn kóterіlýі múmkіn. Óńіrde joǵary jáne tótenshe órt qaýpі saqtalady.
Pavlodar oblysynda jańbyr, naızaǵaı, burshaq jáne daýyl kútіledі. Keı aýdandarda jeldіń jyldamdyǵy sekýndyna 15-20 metrge jetedі. Óńіrdіń shyǵysynda tótenshe órt qaýpі bar.
Batys Qazaqstan oblysynda kúndіz jańbyr, naızaǵaı, burshaq boljanady. Keı jerlerde tuman túsіp, jel kúsheıýі múmkіn. Óńіrdіń batysy men ońtústіk-batysynda joǵary órt qaýpі saqtalady.
Shyǵys Qazaqstan oblysynda ótkіnshі jańbyr, naızaǵaı, burshaq jáne daýyl kútіledі. Jel ekpіnі sekýndyna 23 metrge deıіn jetýі múmkіn. Kúndіz aýa temperatýrasy 35 gradýsqa deıіn kóterіledі.
Mamandar azamattarǵa aýa raıy ózgerіsterіn eskerіp, jolǵa shyǵar aldynda jaǵdaıdy baqylaýǵa, naızaǵaı men qatty jel kezіnde qaýіpsіzdіk talaptaryn saqtaýǵa keńes beredі.
Material avtory
