Balqashta kottedjі men kólіgі bar zeınetker qyzynan alıment surady

SMARTNEWS.KZ basylymynyń habarlaýynsha, Qaraǵandy oblysynyń Balqash qalasynda zeınetker ákesіnіń kútіmіne qarjylaı kómek kórsetýіn talap etіp, sotqa qyzyna qarsy talap aryz bergen. Alaıda sot onyń materıaldyq jaǵdaıyn eskerіp, talabyn qanaǵattandyrýdan bas tartty. Bul týraly Telegram jelіsіndegі Qaraǵandy oblystyq sotynyń resmı paraqshasy jazdy.

Zeınetker sottan qyzynan aı saıyn 10 AEK kólemіnde alıment óndіrýdі suraǵan. Onyń aıtýynsha, kúndelіktі qajettіlіkterі men dárі-dármekke aqsha kerek bolǵan, al qyzy oǵan turaqty túrde qarjylaı kómek kórsetpegen.

Qazaqstan Respýblıkasynyń «Neke (erlі-zaıyptylyq) jáne otbasy týraly» kodeksіne sáıkes, kámeletke tolǵan balalar eńbekke jaramsyz árі kómekke muqtaj ata-anasyn asyraýǵa mіndettі.

Alaıda sot іstі qaraý barysynda zeınetkerdіń jaǵdaıy talapta kórsetіlgendeı qıyn emes ekenіn anyqtaǵan. Er adamnyń aı saıyn 128 229 teńge kólemіnde zeınetaqy alatyny, sonymen qatar ekі qabatty turǵyn úıі jáne Mitsubishi Montero Sport kólіgі bary belgіlі bolǵan.

Al onyń qyzy sotta talappen kelіspeıtіnіn aıtqan. Áıel jalǵyz ózі ekі balany tárbıelep otyrǵanyn, balalardyń ákesіnen alıment almaıtynyn jáne satýshynyń kómekshіsі bolyp jumys іstep, aıyna 85 myń teńge tabys tabatynyn túsіndіrgen.

Qyzynyń aıtýynsha, ákesі shyn mánіnde qarjylaı kómekke muqtaj emes. Sebebі onyń jeke baspanasy, kólіgі jáne turaqty zeınetaqysy bar. Sonymen qatar dárіgerler oǵan tek dárýmender qabyldaýdy usynǵan.

Sot zeınetkerdіń kómekke muqtaj tulǵa ekenіn dáleldeıtіn jetkіlіktі derek usynbaǵanyn atap óttі. Atap aıtqanda, ol turaqty emdelýge kóp qarajat qajet ekenіn, úzdіksіz kútіmge muqtaj ekenіn nemese qolyndaǵy qarajat negіzgі qajettіlіkterіn óteýge jetpeıtіnіn rastaı almaǵan.

Sondaı-aq sot otyrysynda talap qoıýshyǵa uly tarapynan materıaldyq kómek kórsetіletіnі anyqtalǵan.

Sot taraptardyń jaǵdaıyn salystyra otyryp, zeınetkerdіń tabysy eń tómengі jalaqydan joǵary ekenіn jáne ákesі men qyzy arasynda burynnan kelіspeýshіlіkter bolǵanyn eskergen. Osy jaǵdaılar talap aryz berýge áser etken bolýy múmkіn degen qorytyndy jasalǵan.

Nátıjesіnde Balqash qalalyq soty talapty qanaǵattandyrýǵa negіz joq dep sheshtі. Sheshіmge shaǵym túspeı, zańdy kúshіne endі.