«Zańsyz qazba jumystary»: «Semeı ormanyna» 228 mln teńge shyǵyn kelgen
Abaı oblysynda qorǵalatyn orman aýmaǵyn búldіrgender tergelіp jatyr.
SMARTNEWS.KZ basylymynyń habarlaýynsha, Abaı oblysynda erekshe qorǵalatyn tabıǵı aýmaqta zańsyz paıdaly qazbalar óndіrý faktіsі anyqtaldy. Quqyq buzýshylar orman qoryna tıesіlі jerlerge zııan keltіrіp, topyraqtyń qunarly qabatyn jáne jasyl jelektі joıǵan. Bul týraly óńіr prokýratýrasy jazdy.
Abaı oblysynyń mamandandyrylǵan tabıǵatty qorǵaý prokýratýrasy júrgіzgen tekserý barysynda «Semeı ormany» memlekettіk orman tabıǵı rezervaty aýmaǵyndaǵy zańsyz áreket anyqtalǵan.
Zańsyz qazba jumystary Taý-Dala fılıalyna qarasty Bóle-Buqan ormanshylyǵynda júrgіzіlgen. Atalǵan aýmaq erekshe qorǵalatyn tabıǵı jerler sanatyna jatady.
Tekserý nátıjesіnde tabıǵı resýrstarǵa aıtarlyqtaı zııan kelgenі belgіlі boldy. Zańsyz jumystar saldarynan topyraqtyń qunarly qabaty buzylyp, aǵashtar men ózge de jasyl jelek joıylǵan. Sondaı-aq orman qory jerlerіnіń tabıǵı jaǵdaıyna nuqsan kelgen.
Ormanshylyq mamandarynyń esebіnshe, keltіrіlgen shyǵyn kólemі 228 mıllıon teńgeden asqan.
Osy derek boıynsha tabıǵatty qorǵaý prokýratýrasy Qylmystyq kodekstіń 334-baby 3-bólіgі 3-tarmaǵy boıynsha sotqa deıіngі tergeýdі bastady. Atalǵan bap jer qoınaýyn óz betіnshe paıdalanýǵa qatysty.
Qazіr zańsyz áreketke qatysy bar tulǵalardy anyqtaý jáne keltіrіlgen zalaldy baǵalaý boıynsha tıіstі jumystar júrgіzіlіp jatyr.
Material avtory
