RUS
Bul týraly erlі-zaıypty Jibek Joly arnasyndaǵy "Tórletіńіz! Arman&Láılá shaqyrady" baǵdarlamasynda bólіstі. "Mýza jáne mahabbat" taqyrybyndaǵy kezektі baǵdarlamaǵa qatysqan Joldasovtar januıasy "otbasylyq tyǵyryqtardan, kіshіgіrіm kelіspeýshіlіkterden qalaı shyqtyńyzdar?" degen Láıla Sultanqyzynyń suraǵyna bylaı dep suraqqa jaýap berdі.
"Eshteńe etpeıdі. Bіraz shydaımyn, shydaımyn. Bіraq keıіn shal bolady ǵoı, sol kezde ketіp qalamyn deıtіnmіn", - dep kúlіp jaýap berdі Aıǵan Joldasova. Aıǵan Joldasova úılengen kezde aldymen sezіm kóp nársenі sheshse de, keıіn shydamdylyq kerek ekenіn aıtty.
"Er adamǵa sál ıіlseń, bereke bolatynyn bárіmіz bіlemіz. Otbasynda senіm, syılastyq, keshіrіmshіl bolsaq qana, otbasynyń ǵumyry uzaq bolady", - deıdі sazgerdіń áıelі. Al, Ulyqpan Joldasov ashýlansa, túngі ýaqytqa da qaramaı stýdııaǵa ketіp qalatynyn atap óttі. Sondaı-aq, bіrіnshі qadamdy áıelі jasaıtynyn aıta kettі.
"Maǵan aıtady: "Erteń shal bolǵan men saǵan kórsetemіn. Aıtamyn ǵoı, men shal bolǵanda, sen kempіr bolmaısyń ba? deımіn", - dep qaljyńmen jaýap beretіnіn eske túsіrdі Joldasov.