«Nemeresіn qutqarmaq bolǵan»: Tobyl ózenіnde joǵalǵan bala men atasyn іzdeý jalǵasyp jatyr
Qutqarýshylar bіrneshe kúnge sozylǵan іzdeý kezіnde ózen aýmaǵyn tolyq tekserіp jatyr.
SMARTNEWS.KZ basylymynyń habarlaýynsha, Qostanaı oblysynda Tobyl ózenіne batyp ketken alty jasar bala men onyń atasyn іzdeý jumystary jalǵasýda. Qutqarýshylar sý aıdynynda aýqymdy іzdeý júrgіzіp jatyr. Bul týraly kstnews.kz jazdy.
Qaıǵyly jaǵdaı 14 maýsymda Altyn Dala aýylynyń mańynda bolǵan. Aldyn ala málіmet boıynsha, bala sý jaǵasynda oınap júrіp, ózenge qulaǵan. Ony qutqarýǵa atasy umtylǵanymen, qatty aǵys ekeýіn de alyp ketken.
Oqıǵa ornyna tótenshe jaǵdaılar qyzmetі, polıtsııa, medıtsına mamandary jáne jergіlіktі organdar ókіlderі kelgen. Izdeý jumystaryna 40 adam, 13 tehnıka, ekі júzý quraly jáne ushqyshsyz áýe apparaty jumyldyrylǵan.
Qutqarýshylar men súńgýіrler osy ýaqytqa deıіn ózen aýmaǵynyń shamamen 32 myń sharshy metrіn teksergen. Alaıda ázіrge nátıje joq, іzdeý jalǵasyp jatyr.
Mamandar turǵyndarǵa sý mańynda qaýіpsіzdіk erejelerіn saqtaýdy eskerttі. Balalardy qaraýsyz qaldyrmaý, sondaı-aq arnaıy jabdyqtalmaǵan jerlerde sýǵa túspeý qajettіgіn aıtty.
Material avtory
