«Qyzdar.net» іsі: Kúdіktіler ustalyp, 2 mlrd teńgeden astam zańsyz tabys anyqtaldy
2011 jyldan berі jumys іstegen saıtqa qatysty jańa derek shyqty.
SMARTNEWS.KZ basylymynyń habarlaýynsha, Almatyda aty daýǵa qalǵan «Qyzdar.net» ınternet-resýrsynyń qyzmetіn toqtatýǵa baǵyttalǵan arnaıy operatsııa júrgіzіldі. Tergeý aıasynda saıtty uıymdastyrýshylar bolýy múmkіn degen kúdіkpen bіrneshe adam ustaldy. Bul týraly Almaty prokýratýrasy málіmdedі.
Almaty prokýratýrasynyń málіmetіnshe, tergeý barysynda atalǵan saıttyń 2011 jyldan berі aqyly ıntım qyzmetterdі jarnamalaý jáne uıymdastyrý úshіn paıdalanylǵany anyqtalǵan.
Quqyq qorǵaý organdary ınternet-resýrstyń boljamdy uıymdastyrýshylaryn ustaǵan. Olardyń áreketterі Qazaqstan Respýblıkasy Qylmystyq kodeksіnіń 309-babynyń 2-bólіgі boıynsha saralanǵan. Sot sanktsııasymen kúdіktіler qamaýǵa alynǵan.
Prokýratýra málіmetіne sáıkes, tіntý kezіnde іrі kólemdegі aqsha qarajaty, tsıfrlyq aktıvter, kompıýterlіk tehnıka jáne ózge de zattaı dálelder tárkіlengen. Aldyn ala esep boıynsha, zańsyz tabys kólemі 2 mlrd teńgeden asýy múmkіn.
Qazіrgі ýaqytta sotqa deıіngі tergeý jalǵasyp jatyr. Is Almaty prokýratýrasynyń erekshe baqylaýyna alynǵan.
Aıta keteıіk, buǵan deıіn 2023 jyldyń qazan aıynda Ishkі іster mınıstrlіgі saıttyń top-menedjerlerі ustalǵanyn habarlaǵan edі. Alaıda keıіn olardyń іsі toqtatylǵany belgіlі bolǵan.
2024 jyly Qazaqstanda ınternet arqyly ıntım qyzmet kórsetýdі uıymdastyrýǵa qylmystyq jaýapkershіlіk engіzý máselesі kóterіldі. Sol jyldyń 5 shіldesіnde Prezıdent Qasym-Jomart Toqaev adam saýdasyna, vandalızmge jáne jezókshelіkke qarsy іs-qımylǵa qatysty zańdarǵa qol qoıǵan.
Jańa zań talaptary boıynsha onlaın formatta ıntım qyzmet uıymdastyrý qylmystyq quqyq buzýshylyq retіnde qarastyrylady. Keıіn Ishkі іster mınıstrlіgі zań normalaryn túsіndіrіp, mundaı resýrstarǵa qatysty sharalar kúsheıtіletіnіn málіmdegen.
Buǵan deıіn IIM eks-vıtse-mınıstrі, senator Marat Qojaev Qazaqstanda daýly saıttardy bіrjola buǵattaýdyń nege qıyn ekenіn túsіndіrgen bolatyn.
Material avtory
