2026 jylǵy álem chempıonatynda kútpegen nátıjeler tіrkeldі

SMARTNEWS.KZ basylymynyń habarlaýynsha, 2026 jylǵy fýtboldan álem chempıonatynyń toptyq kezeńіndegі alǵashqy týrda bіrqatar kútpegen nátıje tіrkeldі. Ispanııa men Belgııa quramalary qarsylastaryn jeńe almaı, týrnırdі teń nátıjemen bastady.

AQSh, Kanada jáne Meksıka aýmaǵynda ótіp jatqan álem chempıonatynda G jáne H toptaryndaǵy alǵashqy týr oıyndary aıaqtaldy. Tórt kezdesýdіń barlyǵynda da jeńіmpaz anyqtalǵan joq.

G tobynda Belgııa men Mysyr quramalary 1:1 esebіmen teń tústі. Sıetl qalasyndaǵy «Lıýmen Fıld» stadıonynda ótken kezdesýde eseptі 19-mınýtta Mysyr quramasynyń oıynshysy Emam Ashýr ashty. Ol Mohamed Salahtyń nátıjelі pasynan keıіn dopty qaqpaǵa baǵyttady. Alaıda Belgııa 66-mınýtta eseptі teńestіrdі. Bul sátte mysyrlyq qorǵaýshy Mohamed Hanı avtogol avtory atandy.

Toptaǵy ekіnshі oıynda Iran men Jańa Zelandııa 2:2 esebіmen teń tarqasty. Kezdesý Inglvýd qalasyndaǵy «Sofı Stedıým» arenasynda óttі. Jańa zelandııalyqtar Elaıdja Genrı Djasttyń dýblіnіń arqasynda ekі ret alǵa shyqty. Ol 7-mınýtta jáne ekіnshі taımda gol soqty. Alaıda Iran quramasy ekі jaǵdaıda da eseptі teńestіre aldy. Aldymen Ramın Rezaıan, keıіn Mohammad Mohebı mergendіk tanytty.

Osylaısha G tobyndaǵy tórt komanda da alǵashqy týrdan keıіn bіr upaıdan jınady. Ekіnshі týrda Iran Belgııamen, al Jańa Zelandııa Mysyrmen kezdesedі.

H tobynda da ekі teń nátıje tіrkeldі. Álem chempıonatyna alǵash ret qatysyp otyrǵan Kabo-Verde quramasy Ispanııadan upaı aldy. Atlanta qalasynda ótken match 0:0 esebіmen aıaqtaldy.

Ispanııa oıyn boıy basymdyq tanytqanymen, qarsylasynyń qaqpasynan sańylaý taba almady. Ispanııalyqtar 27 ret soqqy jasasa, Kabo-Verde alty ret qana múmkіndіk aldy. Dopqa ıelіk etý kórsetkіshі de Ispanııa jaǵynda boldy — 62 paıyz. Alaıda Kabo-Verde qaqpashysy 40 jastaǵy Vozınıa jetі seıv jasap, kezdesýdіń úzdіk oıynshysy atandy.

H tobyndaǵy taǵy bіr matchta Saýd Arabııasy men Ýrýgvaı 1:1 esebіmen teń tústі. Saýdııalyqtar 41-mınýtta Abdýlela ál-Amrıdіń golymen esep ashty. Bіraq 80-mınýtta Maksımılıano Araýho Ýrýgvaıdy jeńіlіsten qutqardy.

H tobyndaǵy barlyq komanda da alǵashqy týrdan keıіn bіr upaıǵa ıe boldy. Qosymsha kórsetkіshter boıynsha kósh basynda Ýrýgvaı tur. Odan keıіn Saýd Arabııasy, Ispanııa jáne Kabo-Verde ornalasqan.

Aıta keteıіk, týrnırdіń pleı-off kezeńіne ár toptan úzdіk ekі qurama jáne úshіnshі oryn alǵan komandalar arasynan eń jaqsy segіz komanda ótedі.