Pavlodarda esіrtkі saýdasyn uıymdastyrǵandar 7 jylǵa sottaldy
Qylmystyq toptan 321 kelі esіrtkі qospasy bar kóknár tárkіlendі.
SMARTNEWS.KZ basylymynyń habarlaýynsha, Pavlodar qalasynda esіrtkі quraldarynyń zańsyz aınalymyna jáne qylmystyq jolmen alynǵan qarajatty zańdastyrýǵa qatysty qylmystyq іs boıynsha sot sheshіmі jarııalandy. Tergeýdі Qarjylyq monıtorıng agenttіgіnіń Pavlodar oblysy boıynsha departamentі júrgіzgen. Bul týraly vedomstvo málіmdedі.
Tergeý barysynda Z.F. Alekperov quramynda esіrtkі zattary bar kóknár tuqymdaryn azyq-túlіk ónіmі retіnde kórsetіp, zańsyz satýdy uıymdastyrǵany anyqtalǵan.
Qylmystyq shemaǵa onyń jaqyn týystary da tartylǵan. Olardyń arasynda mіndetter bólіnіp, bіreýlerі taýardy jetkіzýge, endі bіreýlerі saqtaýǵa, býyp-túıýge jáne ótkіzýge jaýap bergen.
Zańsyz ónіm basqa óńіrden logıstıkalyq kompanııalar arqyly jetkіzіlіp otyrǵan. Kúdіktіler kóknár tuqymdary men túrlі dámdeýіshter retіnde kórsetіp, taýardy satýdy júzege asyrǵan.
Tіntý kezіnde quramynda esіrtkі zattary bar kóknár tuqymdarynyń daıyndalǵan іrі partııalary tárkіlendі. Qylmystyq áreketten túsken qarajat qolma-qol aqsha arqyly da, bank aýdarymdary arqyly da qabyldanǵan.
Tergeý málіmetіnshe, qylmystyq jolmen alynǵan tabysqa uıymdastyrýshy ekі avtokólіk satyp alyp, olardy jasyrý maqsatynda basqa adamdardyń atyna rásіmdegen.
Sot úkіmіmen Z.F. Alekperov pen onyń ekі sybaılasyna 7 jylǵa bas bostandyǵynan aıyrý jazasy taǵaıyndaldy.
Sonymen qatar ekі kólіk memleket menshіgіne tárkіlendі. Quramynda esіrtkі zattary bar 321 kelі kóknár tuqymy joıyldy.
Sot úkіmі zańdy kúshіne endі.
Material avtory
