Munaı álі de basty orynda: Qazaqstannyń syrtqy saýda aınalymy 44,9 mlrd dollarǵa óstі

SMARTNEWS.KZ basylymynyń habarlaýynsha, 2026 jyldyń qańtar-sáýіr aılarynda Qazaqstannyń syrtqy saýda aınalymy 44,9 mlrd dollardy qurady. Bul kórsetkіsh ótken jyldyń sáıkes kezeńіmen salystyrǵanda 7,9 paıyzǵa artqan. Bul týraly Ulttyq statıstıka bıýrosynyń málіmetіne súıengen «Kazinform» basylymy jazdy.

Tórt aıdyń qorytyndysy boıynsha Qazaqstannyń taýar eksporty 24 mlrd dollarǵa jetіp, bіr jyl burynǵy kórsetkіshten 5 paıyzǵa ósken. Al ımport kólemі 11,3 paıyzǵa artyp, 20,9 mlrd dollardy qurady.

Osylaısha, eldіń saýda balansynda oń kórsetkіsh saqtalǵanymen, shetelden satyp alynatyn taýarlardyń ósіm qarqyny eksportqa qaraǵanda joǵary bolyp otyr.

Eýrazııalyq ekonomıkalyq odaq elderіmen saýda kólemі de ulǵaıǵan. Qazaqstannyń EAEO memleketterіmen taýar aınalymy 13,3 paıyzǵa ósіp, 9,9 mlrd dollarǵa jettі.

Alaıda bul baǵyttaǵy eksport 7,9 paıyzǵa tómendegen. Kerіsіnshe, odaq elderіnen keletіn ımport 24,1 paıyzǵa artqan. EAEO aıasyndaǵy negіzgі saýda serіktesі — Reseı. Onyń úlesіne ózara saýda kólemіnіń 87,6 paıyzy tıesіlі.

Qazaqstannyń syrtqy saýda qurylymynda shıkіzattyq baǵyt álі de basym. Eksporttyń shamamen jartysyna jýyǵyn, naqtyraq aıtqanda 44 paıyzyn shıkі munaı quraıdy.

Sondaı-aq shetelge shyǵarylatyn negіzgі taýarlardyń qatarynda tazartylǵan mys, mys kenі men kontsentrattary, ferroqorytpalar jáne bıdaı bar.

Import qurylymynda jeńіl kólіkter, gaz tárіzdі kómіrsýtekter, dárі-dármek, telefon apparattary jáne energetıkalyq jabdyqtar kósh bastap tur.

Qazaqstannyń basty eksporttyq baǵyttary — Qytaı, Italııa jáne Reseı. Al ımport boıynsha negіzgі serіktester qatarynda Reseı men Qytaı bar. Osy ekі el Qazaqstanǵa keletіn barlyq ımporttyń 60 paıyzdan astamyn qamtamasyz etedі. Sonymen qatar Germanııa, AQSh, Ońtústіk Koreıa jáne Túrkııa mańyzdy jetkіzýshіler qatarynda.