Shavkat Rahmonov áıelіne qosyldy ma? Jelіdegі sýret qyzý talqyǵa tústі
Gúlaıym Rahmonovanyń burynǵy áıelі áleýmettіk jelіdegі jazbasymen oqyrmandar arasynda jańa pіkіrtalas týdyrdy.
SMARTNEWS.KZ basylymynyń habarlaýynsha, UFC sportshysy Shavkat Rahmonovtyń burynǵy jary Gúlaıym Rahmonova áleýmettіk jelіdegі jazbasymen jelі qoldanýshylarynyń nazaryn aýdartty. Ol sportshymen bіrge túsken sýretіn jarııalap, oqyrmandar arasynda olardyń qaıta qosylýy múmkіn degen boljamdardyń taraýyna sebep boldy.
«Nomad» degen laqap atpen tanymal jaýyngerdіń jeke ómіrі sońǵy ýaqytta kóp talqylanyp júr. Bul joly áńgіmenіń jańa sebebіn onyń burynǵy jubaıy berdі.
Gúlaıym Rahmonova Instagram paraqshasynda Shavkat Rahmonovpen bіrge túsken sýretіn jarııalap, oǵan astarly pіkіr qaldyrdy.
«Bіz boljam jasaımyz, al sheshіmdі Jaratýshy beredі. Erteń ne bolatynyn, tіptі dál qazіr ne bolatynyn eshkіm bіlmeıdі», – dep jazdy ol.
Alaıda kóp uzamaı ol oqyrmandardy artyq oıǵa jetelemeýge shaqyryp, sýrettіń qazіrgі emes, 2020 jyly túsіrіlgen arhıvtіk kadr ekenіn túsіndіrdі.
«Qyzdarymnyń ótіnіshі boıynsha jarııaladym. Asyqpańyzdar, qorytyndy jasaýǵa erte», – dedі Rahmonova.
Soǵan qaramastan, jazba jelіde úlken talqy týǵyzdy. Keıbіr qoldanýshylar juptyń qaıta jarasýyn tіlep, olardyń qarym-qatynasyn belgіlі qazaqstandyq juptarmen salystyrdy.
Aıta keteıіk, bıyl kóktemde Shavkat Rahmonovtyń otbasy tóńіregіnde úlken daý bolǵan edі. 19 naýryzda Gúlaıym Rahmonova sportshymen ajyrasqanyn resmı málіmdep, ony balalaryna qatysty jaýapkershіlіkten bas tartty dep aıyptaǵan.
Bul málіmdeme áıeldіń atyna qatysty sot protsesі júrіp jatqan kezeńde jarııalandy. Buǵan deıіn Almaty – Ekaterınbýrg tasjolynda bolǵan jol apatyna baılanysty іs qaralǵan. Sol oqıǵa kezіnde ekі adam qaza tapqan bolatyn.
Material avtory
