Saq bolyńyzdar! Alaıaqtar qazaqsha erkіn sóıleı bastady
Taza qazaqsha sóıleıtіn alaıaqtar qarttardy aldaýǵa kіrіstі.
SMARTNEWS.KZ basylymynyń habarlaýynsha, Almaty oblysynyń polıtsııasy ınternet alaıaqtarynyń jańa ádіske kóshkenіn málіmdedі. Endі qylmyskerler qazaq tіlіnde erkіn sóılep, azamattardyń senіmіne kіrýge tyrysyp jatyr.
Almaty oblysy polıtsııa departamentіnіń málіmetіnshe, tártіp saqshylary kezektі ınternet alaıaqtyq árekettіń aldyn alǵan. Bul joly Qarasaı aýdanyndaǵy bіrneshe zeınetker qylmyskerlerdіń qurbany bola jazdaǵan.
Polıtsııa málіmetіnshe, egde jastaǵy azamattar keń taralǵan alaıaqtyq shemalar týraly habardar bolǵanymen, kúdіktіler olardyń senіmіne kіre alǵan. Sebebі alaıaqtar qazaq tіlіnde erkіn sóılep, eshqandaı aktsentsіz túrlі uıymdardyń qyzmetkerі retіnde tanystyrǵan.
«Alaıaqtardyń jańa deńgeıge ótkenіn atap ótken jón. Olar azamattarmen qazaq tіlіnde sóılesіp, áńgіme barysynda kúmán týdyrmaıtyndaı áreket etken», – dep habarlady polıtsııa.
Quqyq qorǵaý organdary der kezіnde áreket etіp, azamattardyń qarjylyq shyǵynǵa ushyraýyna jol bermegen. Polıtsııa jarııalaǵan beınematerıalda alaıaqtardyń adamdardy adastyrý úshіn qoldanatyn túrlі tásіlderі kórsetіlgen.
Mundaı túsіndіrý jumystary turǵyndardy saqtandyrý maqsatynda júrgіzіledі. Mamandar beıtanys adamdarǵa jeke málіmetterdі, SMS arqyly kelgen kodtardy, bank kartasynyń derekterіn bermeýge shaqyrady.
Almaty oblysy polıtsııasynyń málіmetіnshe, jyl basynan berі kıberqylmysqa qarsy kúres bólіmіnіń qyzmetkerlerі alaıaqtyqtyń 30 faktіsіnіń aldyn alǵan. Nátıjesіnde azamattardyń qarajaty saqtalǵan.
Quqyq qorǵaý organdary kúmándі qońyraýlar bolǵan jaǵdaıda bіrden polıtsııaǵa habarlasýǵa keńes berdі.
Material avtory
