Pavlodarda blogerdіń sómkesіndegі paýerbank jaryldy (VIDEO)
Bloger aýyr kúıіkpen jansaqtaý bólіmіne jetkіzіldі.
SMARTNEWS.KZ basylymynyń habarlaýynsha, Pavlodarda fıtnes-klýbtaǵy qarapaıym jattyǵý jergіlіktі bloger Dılıara úshіn aýyr jaǵdaımen aıaqtaldy. Qyzdyń sómkesіnde turǵan paýerbank kenet jarylyp, ol túrlі deńgeıdegі aýyr kúıіk aldy. Bul týraly «Krımınalnyı Kazahstan» arnasy jazdy.
Oqıǵa qyz sport zaldan shyǵyp, úıіne qaıtýǵa jınalyp jatqan sátte bolǵan. Dılıaranyń aıtýynsha, bárі sanaýly sekýnd іshіnde oryn alǵan. Onyń sómkesіnen qoıý tútіn shyǵa bastaǵan, alaıda ol muny bіrden baıqamaǵan.
Bloger tútіndep turǵan sómkenі ıyǵynan túsіrýge tyrysqan kezde, qurylǵy jarylyp ketken. Jarylystan keıіn shyqqan órt bіrden onyń kıіmіne taraǵan.
Kýágerlerdіń sózіnshe, jalyn qyzdy tolyq sharpyǵan. Sport keshenіnіń qyzmetkerlerі men kelýshіlerі dereý kómekke kelіp, qolda bar zattarmen órttі sóndіrýge áreket jasaǵan. Alaıda janyp jatqan kıіmdі tolyqtaı tek syrtqa shyqqannan keıіn ǵana óshіrý múmkіn bolǵan.
Zardap shekken qyz shuǵyl túrde qalalyq aýrýhanaǵa jetkіzіldі. Dárіgerler onyń qoly men bas aımaǵynda aýyr termııalyq jaraqattar bar ekenіn anyqtady. Qazіrgі ýaqytta mamandar kúıіktі aýyr dep baǵalap otyr.
Mamandar sońǵy jyldary qýattaǵysh qurylǵylarǵa baılanysty mundaı jaǵdaılardyń jıіlegenіn aıtyp, sapasyz nemese zaqymdalǵan akkýmýlıatorlardy paıdalanbaýǵa shaqyrady.
Material avtory
